كرسي الاعتراف ( غموض نجد )

[سعد الحارق]

السلام عليكم

اولاً اشكر الاخ والاستاذ الغالي ( عبد العزيز )

على تحمله لسألتنا الكثيره وان يسامحنا على الاطاله

http://nzzfm.com/up/uploads/1db7dc32cc.jpg (http://nzzfm.com/up/)

بعد نجاح كرسي الاعتراف

لم اريد ان يتوقف هذا النجاح

والذي كان سبب نجاحه هو انتم فأرجو منكم ان لا تخذلوني

في استمراركم معنا ليواصل نجاحه

وفي هذا الاسبوع ستكون الضحيه

المشرفه المتميزه الشمعه في( منتدى العالمي نت) و ( منتديات نادي النصر السعودي )

غموض نجد

( بنت الرس سابقاً ):al1:

فأرجو من الجميع المشاركه لكي تتحقق غاية الموضوع

وهو التعرف اكثر على الضحيه الغامضه

مع التحيه

الحارق

[غموض نجد]

حرام عليك ياسعد الحارق
وش سويت....
هو الكرسي والله مريح مبين عليه يعني .....بس





اول شئ احب اشكرك اخوي سعد
لكن حابه اسئل سؤال.....من صاحب الفكره..انه يكون انا؟؟؟؟:mad:
لا امزح يعطيك العافيه
بس لاتكثرون اسئله
لعده اسباب انا مااعرف اختصر بالاجوبه
فارحمو من في الارض يرحمكم من في السمـــــــــــــــــــــ ــــاء

[سعد الحارق]

حرام عليك ياسعد الحارق
وش سويت....
هو الكرسي والله مريح مبين عليه يعني .....بس





اول شئ احب اشكرك اخوي سعد
لكن حابه اسئل سؤال.....من صاحب الفكره..انه يكون انا؟؟؟؟:mad:
لا امزح يعطيك العافيه
بس لاتكثرون اسئله
لعده اسباب انا مااعرف اختصر بالاجوبه
فارحمو من في الارض يرحمكم من في السمـــــــــــــــــــــ ــــاء

والله مو مسويه شئ

لكن غاية الموضوع كشف الغموض والتعرف اكثر على الضحيه

وانتي على اسمك غامضه ههههههههههههه

وبعدين لا شكر على واجب هع

وصاحب الفكره نصراويه <<<< يفتن خطأ ههههههههه

لا والله انا قلت ما فيه احد ما اكل مقلب مني غيرك هع

وان شاء الله بيتوصون فيك بالاسئله

وما فيه شروط هههههههههههههه

ومن الان اقول ما نبي دردشه في الموضوع

واخس بالذكر ( فيصل وجمر ) يا حبهم للسوالف

اسئله وتقيب مع اسلئه فقط

مع التحيه

الحارق

[>> نصراويه<<]

السلام عليكم ورحمه الله وبركاته
وصاحب الفكره نصراويه <<<< يفتن خطأ ههههههههه
ههههههههههههههههه الله يرج ابليسك ياالحارق

اختيار موفق:)
وابشري بالاسئله والله يعينتس!!
لي عوووده بإذن الله

سعد الحارق
الله يرج ابليسك تعبت وانا اصحح اخطائك الاملائيه واللغويه :D
عشان كذا بروح احط لعبه في منتدى الالعاب بخصوص الاخطاء:confused:

[This Is ME]

السلام عليكم ورحمة الله وبركاته

حيا الله راعي الكرسي وضيفته أستاذتنا (غموض نجد)

وأخيرا إنفكت صواميل كرسي الإعتراف والله ياهو مثبت بإخلاص وإتقان :D

وألحين جاء دور غموض نجد وأه*** على الإختيار أستاذي العزيز والغالي (سعد الحارق)

غموض نجد عقبال ماتصيرين وضوح نجد عقب هالكرسي الاحمر:D

شوي وراجع بدستة أسأله :)

[سـsaraـاره]

مممم

مع اني جديده واحس نفسي مرره قاطه
بس عندي سؤال واحد..؟؟

سبب اختيارك لكلمة غموض في النك نيم تبعك..؟؟
يعني هل تصفين نفسك غامضه بطبيعة الحال..!!

<<ياشين اللي يسوون زحمه والشارع فاضي

[أمجاد النصر]

السلام عليكم ورحمة الله وبركاته
مشكور الاخ سعد الحارق
مع أني مو متواصله كثير مع العالمي نت
لكن شي عن أختي غموض نجد أجي من آخر الدنيا
اخبارك أختي غموض سوالي عفواً سوالتي
1- كاتب في منتديات النصر تعجبك كتاباته؟
2- قصيده قرائتيها ولازالت قي ذاكرتك؟
3- وش شعورك لو يوقفون عضويتك من جميع منتديات النصر بدون سب تدخلين كل منتدى على حده موقفه العضويه؟وحده ناويه على الشر!
4- وش رايك بمستوى العالمي اليوم بعد مباراة الوطني لاتردين إلأ بعد المباراه؟
دعائي لك ولجميع النصراويين في هالمنتدى أو في مكان أخر بالتوفيق
دمتي بود
أختك
أمجاد النصر

[غموض نجد]

وعليكم السلام ورحمه الله وبركاته
يانصراويه حياتس الله
وارجعي.................بس !!
لاتكثرين الاسئله
الله يوفقك يارب
تدعي لتس خايفه من الاسئله:)

[غموض نجد]

وعليكم السلام ورحمه الله وبركاته

ياهلا فيك استاذ عبدالعزيز
ياحبك للعناد:)....ترجع وتقول استاذه...لكن مقبوله

حياك الله ...وبانتظار رجعتك...
يسلمك ربي

[قلب النصررر]

حياك اختي غموض نجد نور الكرسي بوجود يا غلاهم ...

من دون مبالغه لكي ثقل كبير بالمنتدي ونفخر بوجودك سوى بالمنتدي العالمي نت او منتدي نادي النصر السعودي .. الي الأمام غموض نجد ..

نبدأ والله يعينك هههههههههههههههههههه هه ..

الحب في حياتك ماذا تصفينه ؟
هل لكي منتديات مشاركة فيه غير العالمي نت ونادي النصر السعودي ؟؟
هل تصفين نفسك بالغرور في بعض الممرات .؟؟
من هو العضو الذين تفخرين بوجوده بالمنتدي العالمي نت من دون هروب هههههه ؟؟


انتهبت خلاص هههه ولنا عودة مجددا ..

تحياتي لك

[غموض نجد]

ساره
حياتس الله لا قاطه ولاشئ
الا من اهل الدار....
بصراحه احب اسجل اعجابي بكتاباتك
الله يوفقك يارب

سبب اختيارك لكلمة غموض في النك نيم تبعك..؟؟
والله شوفي...ياساره...
من كذا وحده اعرفه تقول لي انتي غامضه...
مع اني اسولف كثير...ومافيه اكثر من كلامي...
الا انهم يقولون اني مااتكلم عن نفسي....كثير
لكن يمكن لاني احب اسمع اكثر مما اتكلم...


وحياتس الله...واذا تبين قهوه...تتقهوين حياتس ....من شاور ماعطا:)
تسلمين والله

[سـsaraـاره]

اختي غموض اشكرك لانك جاوبتيني
وابصراحه اعجابك بكتاباتي شرف لي
مع ان ترى محد يدري عني اني اكتب ابدا ولو احد من اللي اعرف قرى كتاباتي مستحيل يصدق انه انا
في كتاباتب اصير انسانه ثانيه غير اللي بالواقع

غموض نجد انتي انسانه قديره جدا ومحترمه

[غموض نجد]

وعليكم السلام ورحمه الله وبركاته...


ياهلا فيك ياامجاد...عزيزه وغاليه
وانا وش اقول :) الا اشكرك ياسعد ههههههههههههه

بصغر الخط علشان الاسئله

الحين وانا بجاوب الساعه 6 ونص
مو تمام مره علشان المباراه على اعصابي والله


1- كاتب في منتديات النصر تعجبك كتاباته؟
شوفي انا يمكن مااقرا كثير لكل اللي يكتبون واكيد ماشاء الله فيه كثير
لكن ابدا باستاذي
الفجر البعيد
ذيس اس مي
الشايب
نصراوية
ندوري
البدر يعجبني تنوع مواضيعه
العالميه
موتيف
حازم النصر
الارطبون
بصراحه قد قريت لهم لكن اكيد فيه كثير ماشاء الله عليهم
طبعا انا جاوبت على اساس انهم يكتبون بمجال الرياضه....بس هذا اللي فهمته لكن اذا كنتي تقصدين كاتب بشكل عام وضحي لي!!


- قصيده قرائتيها ولازالت قي ذاكرتك؟
الحين والله ماتذكر اسفه والله
انا اقرا كثير ولا احفظ بصراحه اعجب
بالقصيده ومااشوف من كاتبها تعجبني القصيده الحلوه
لكن قصايد طلال الرشيد الله يرحمه مميزه دايم


- وش شعورك لو يوقفون عضويتك من جميع منتديات النصر بدون سب تدخلين كل منتدى على حده موقفه العضويه؟
اكيد بيضيق خلقي...خصوصا اذا كانت من دون سبب وماراح اسكت وبحاول بكذا طريقه اعرف السبب
انا مره خرب الاتصال عندنا...وماتتخيلين وش سويت:)
فما بالك توقيف عضويه الله لايقوله لاتفاولين بس:)


والسؤال الرابع عن النصر بعد المباراه زي ماطلبتي


يعافيك ربي ان شاء الله
اامجاد حياك شرفتي والله:)

[القائد رائد]

بسم الله الرحمن الرحيم

بداية أحب أن أحييك أختي على مواضيعك المميزة التي دائما ما تجذبني إليها خاصة تلك المواضيع التي تشكي حالنا اليوم .

وأتمنى أن تتحملين مني هذه الأسئلة من أخ إلى أخته :

- لكل إنسان لحظات يختنق فيها إلى درجة الهلاك..فما هو أكثر شيء يؤلمك؟؟؟

- هناك لحظات في حياتنا نترقبها..وننتظر حدوثها..فما هي اللحظة التي تنتظرينها بفارغ الصبر؟؟

- الإنسان تغيره الأيام دون أن يشعر..فهل تستطيعين أن تخبريننا عن أهم سمة تغيرت فيك خلال الفترة الماضية؟؟

- ما هو مفهومك عن الكلمات الآتية:

الوطن
الصمت
الحب
الانترنت
الليل
العلم
الخيانة
الأمل
الماضي


- ماذا تعني لك هذه العبارة... (كن انت الحياة في اسمى معانيها) ؟؟؟

- ماهو الشئ الذي تخافين منه ويشغل بالك أكثر من بقيت الأشياء؟

- كلمــــه هــزت وجـــدانـــك ؟ ومـــن قــــائــلهــا؟

- ما هو أقرب أحلامك الذي تحقق بالفعل ؟ وما هو الحلم الذي لا يزال بعيدا؟

- ما هي نظرتك للمرأة بصفة عامة وللمرأة العاملة بصفه خاصة؟

ماذا لو كنتــي ............. فماذا ستفعلــين ؟؟؟
1- وزيرة أي وزارهـ في المملكة العربية السعوديــة
2- رئيسة لهيئة الأمر بالمعروف و النهي عن المنكر


- ماهي نصيحتك لأعضاء المنتدى؟؟


تقبلي فائق التقدير والإحترام والمعذرة على نوعية الأسئلة لكن يهمني رأيك .

[دلع بنت ولع]

هلا والله وغلا بغموض

ياحبني لك ...من جد رساويه >> > صارت تقرب لي :) :)

وانا اقول وش هالحلا وش هالزين يالله حيها

عاد حنا مشهوريييين بالحلا ..صح ...على طاري الحلا حياك قهوه ..حلا ..عصير امري

((طول بالك اخوي سعد ..هاذي ماهي سواليف ...هاذي تراااحيب ))

ايه غموووض ... اجهز الاسئله . .وادفي ايديني وارجع لك ...برررررررد

[فهد الثنيان]

لنا رجعه مع الاسئله استعدي غموض البسي الدروع الواقيه من الحين واحفري الخنادق لأني ابرمي في كل مكان مالي دخل

[غريب الديره]

<<<<<<<< ما ينعطى وجه في هالمواضيع

بس مشكلته ما يتفضى ليها :)

اللي تسبده تحوم يرجع ورى ويربط الحزام ويغمض عيونه ( يغمض على وزن غموض ) :D

بسم الله

منورهـ الكرسي غموض :)

>>> الأسئلة بالعامية كحت <<<

# أبسدح لك ورقه وقلم وبطلب منك تكتبي أعذب الكلام في هالوريقة وإذا خلصتي

أبيك تهدينها ( لمن راح تهدينها )

# مامفهوم الحرية لديك ؟ وما هو الـ مبـــدأ اللي ماشيه عليه في حياتك ؟ وماهي أولوياتك في الحياة ؟

# إسردي لي احلى موقف في حياتك؟

# على من تـــرمــين

همومك !

احزانك !

<<<<<<<<< أثاريني ماني بهين :)

# صفه ترينها في غيرك وكم وددتي أن تمتلكينها ؟

# ذكريات غموض هل هي مفرحة أم هي قاسية وحزينة ؟

# سؤال في ذهنك تبحثين له عن اجابه وحيركي منذ فتره طويله ؟

# ما هوه الدعاء الذي تردديه دائما ؟

# إيجابيات وسلبيات النت اللتي أثرت على غموض ماهي ؟


^^^^^^^^^^^^^^

قسم أصلح مدرس بس مظلوووووم بدنيتي :cool:



<<<<<<<<<< تعبت :cool:




# الوسط الرياضي ماذا أضاف لغموض ؟

# الأصفر والأزرق ماذا تعني لك ؟

# العالمي إلى أين يسير ؟


^^^^^^

ما حبيت أكثر أسئله كثيره في الكوره لأني باط تسبدي من هالكوره :mad:


أخيراً :cool:

# وش تغديتي اليوم الجمعة 28 / 12 / 2007 م

# مزايين الإبل وشاعر المليون وش وجه الشبه بينها :D

# تحبين تنزلين السوق باستمرار وللا تحبين ترتزي قدام التلفزيون والجلسة بالبيت أكثر :confused:

# الحين إنتي مبسوطة وللا زعلانه وليش :al68:

# وش تحبين أكثر الشاي العادي وللا الشاي الأخضر :al19: <<< ماله داعي هالسؤآل

# ماده تكرينها :al81: <<<<<<< ياشين اللي ماعنده أسئلة :al68:




أخيراً <<<<<<< توك قايلها ولا خلصنا ياباشا :mad:

آسف على الإطالة

[غموض نجد]

بسم الله الرحمن الرحيم


الله يحيك ويسلمك ياقلب النصر....
الحب في حياتك ماذا تصفينه ؟
الحب موجود بحياتي اكيد ... حب امي وابوي وصديقاتي وقريباتي وحبي{ لفي}
الله يخليه لامه:)

هل لكي منتديات مشاركة فيه غير العالمي نت ونادي النصر السعودي ؟؟
لي مشاركات بمنتديات رياضيه لكن موكثيره.. نادرا اكتب مواضيعي بس
لكن مالي غنى
عن منتديات النصر واللي ارتاح فيها والقى نفسي فيها
وخصوصاالعالمي نت :)

هل تصفين نفسك بالغرور في بعض الممرات .؟؟
لا لامره ولامرات ابدا واعوذ بالله منه ومن يتصف بالغرور:)

من هو العضو الذين تفخرين بوجوده بالمنتدي العالمي نت من دون هروب هههههه ؟؟
هههههههههههههه
ماراح اتهرب ياقلب النصر:)
والله كثير ياقلب وكل واحد له مكانته بالمنتدى
وماودي اذكر اسماء بس...علشان الذاكره تخون واخاف انسى احد

[غموض نجد]

ساره ليش مااحد يتوقع انه انتي كتاباتك غير شخصيتك في الواقع!!
الله يسلمتس والله احرجتين...
واستمري بالكتابه
بالتوفيق

[باشتورك]

هلا وغلا بغمووووووض نجد



الأسئلة كالتالي :::


1. أين أنتي من واقع الأمة الإسلامية ؟؟


2. ماهو رأيك بحال أمتنا وما هو عزائك لها ؟؟؟



3. كيف تقيمين وضع منتدى العالمي نت بكل صراحة ؟؟؟



4. هل العالمي نت كان ولا زال مميزا ً وإلا هناك فرق ؟؟؟



5. ما هي الصفات اللتي تتمنينها بكل عضو وعضوة بالعالمي نت ؟؟؟



6 . منتخبك وناديك المفضل عالمياً ؟؟؟



7 . مساحة لا تتعدى السطرين قولي ماشئتي بها ؟؟!!!

[غموض نجد]

ياهلا فيك اخوي القائد رائد وبأسئلتك
وش دعوى عادي حياك



- لكل إنسان لحظات يختنق فيها إلى درجة الهلاك..فما هو أكثر شيء يؤلمك؟؟؟
كثير اشياء اخوي رائد لكن احاول اخذ الامور ببساطه ومااخلي اي شئ يأثر فيني وماشيه كذا
الامور اللي تضايقنا اذا فكرنا فيها وعطينها من وقتنا بالتفكير والانعزال...راح تكبر
صح بعض الامور تجبرك انك تفكر فيها..انا مانكر التفكير او الغيه ...لكن النظره التشائميه...هي اللي تكبر الموضوع...والمواضيع اللي تألمنا...نبتعد عنها

- هناك لحظات في حياتنا نترقبها..وننتظر حدوثها..فما هي اللحظة التي تنتظرينها بفارغ الصبر؟؟
ان الله يشفي امي
اني احقق طموحي
وان النصر ياخذ بطوله من جد ودي افرح بالنصر:)


- الإنسان تغيره الأيام دون أن يشعر..فهل تستطيعين أن تخبريننا عن أهم سمة تغيرت فيك خلال الفترة الماضية؟؟
صعبه اني اقدر احكم على نفسي كثير لكن ....احس اني اطور من نفسي في كل شئ
واحاول استفيد واتعلم من كل شئ

- ما هو مفهومك عن الكلمات الآتية:

الوطن

الله يحفظ وطننا من كل شر ويحميه ان شاء الله ويحمي امتنا الاسلاميه من الدخيلين عليها
وتحس بقيمه الوطن لما تبعدوتسافر عنه..وتحن له اكيد
وللأسف فيه ناس بدل مايرتقون بوطنهم...يعطون صورة سيئه عنه

الصمت

الصمت بحد ذاته لغه عندي
وافضلها في اوقات ...ومع ذلك احب الكلام بشكل عام ...يمكن يكون تناقض:)
واعذرني مااقدر اكمل

الحب


زي ماقلت لاخوي قلب النصر...موجود بحياه كل شخص...
واحلى شعور لماتحس بحب الناس اللي حواليك وخوفهم وحرصهم عليك

الانترنت

اضاف لي الشئ الكثير
وتعلمت منه اشياء كثير
خصوصا بالنسبه للقراءه لاني احبها كثير
والانترنت على حسب من يستخدمه فيه اشياء كثيره وحلوه
للي يبي يتعلم...وللي يبي يستفيد...
وممكن يضر اذا كان...موجود بدون مراقبه من الأهل...فيكون نقمه اكثر مما يكون نعمه
لكنه ادمان خطير

الليل


بصراحه انا احب النهار اكثر
واحب الفجريه اكثر شئ.....:)


الليل انا اشوفه فرصه انك تحاسب....نفسك
وتقدر تقرا وتصلي فيه وانسب وقت انك تدعي فيه.....

والليل انا انصح فيه اللي يفكر ا انه مايقعد بلحاله كثير
بهالوقت....لانه خطير بصراحه....ويجيب الهواجيس...والتفكير
لكني افضل الليل باوقات...




العلم


العلم ضروري بحياتنا وخصوصا بالوقت الحالي بسبب التطور فلازم نكون حريصين
على اننا نتعلم من كل شئ مو بس شهاده ناخذها وخلاص
الشهاده اكيد ضروريه..كوظيفه وواجهه اجتماعيه عند بعض الناس
لكن الدنيا اكبر مدرسه نتعلم منها


الخيانة


الله يبعد الجميع عنه وان شاء الله ماتتعرضون له
والي تعرض له درس ويتعلم منه وممكن يأثر فيه بالبدايه لكن..يقويه بالنهايه
وكله في الاخير مقدر ومايحط اللوم على نفسه..او يتخذ موقف سلبي من الناس كلها
والحياه ماتتوقف على موقف ممكن احد يمر فيه لو على كذا الحياه توقفت من زمااااااااااان!!

الأمل

الامل .....موجود لكن لما نمر بلحظه يأس احيانن نحس انه موموجود
لكن علشان نحقق اللي نبيه لازم الامل يكون موجود بيننا:al80: ومهما فشلنا
نخلي الامل موجود بنجاحنا حتى لو كانت الظروف تعاديك
لازم انك تتمسك فيه
ولاتبقى بمكانك وماتتقدم خطوه وحده بحياتك



الماضي


امس...وقبل...امس راح ومايرجع:al80:....وعش يومك ولاتفكر بامسك
وان فكرت فيه..لاتفكر فيه كثير...:)
لانه ماراح يرجع ابد....احطم بقوه:mad: بس هذا واقع:)


- ماهو الشئ الذي تخافين منه ويشغل بالك أكثر من بقيت الأشياء؟
اني اموت وماقدمت شئ يرضي ربي
او اني اكون مقصره تجاه والديني


اني اشوف صرور قدامي بصراحه لاني مااحبه واخاف اشوفه فجأه او القاه قدامي:)

- كلمــــه هــزت وجـــدانـــك ؟ ومـــن قــــائــلهــا؟
اعتذر عن الاجابه اخوي رائد


- ما هو أقرب أحلامك الذي تحقق بالفعل ؟ وما هو الحلم الذي لا يزال بعيدا؟
اني ادخل للجامعه والقسم اللي ابيه
والحلم اللي مايزال بعيدا
ان ياخذ النصر بطوله
لكن مازلت متفائله بالنصر
عذرا جاوبتك على اساس انه النصر:) مب انا


- ما هي نظرتك للمرأة بصفة عامة وللمرأة العاملة بصفه خاصة؟
الكلام عن المراه يطول اخوي رائد لكن اقدر اختصر بكلمتين المراه نصف المجتمع
وبدون المرأه مايكون فيه مجمتمع
ووراء كل رجل عظيم امراه
العمل بالنسبه لي ظروري لي انا ابي ادرس علشان اتوظف...
ماابي ادرس واخلي شهادتي بالبيت اكيد


....لكن يمكن تختلف الظروف عن بعض الناس
وعلى حسب الوظيفه
لكن اذا كان فيه تقصير...من ناحيه بيته وعياله اذا كانت متزوجه فالاولى انه تقعد بالبيت
اذا كانت ماتقدر توازن بين الاثنين


ماذا لو كنتــي ............. فماذا ستفعلــين ؟؟؟1- وزيرة أي وزارهـ في المملكة العربية السعوديــة


والله انا اخاف من الوزارات...
ولو عرضو علي برفض.....لأنه مسؤليه كبيره:)
واثقه بقوه هههههههههه

لكن اكيد اني بحاول اطور باللي اقدر عليه وماراح اوعدهم بشئ كلام بس
الا اسويه وافاجئهم...
لكني مااحب السياسه....ماله دخل السؤال بس
القائد رائد ياليت تحدد لي وزاره معينه!!




2- رئيسة لهيئة الأمر بالمعروف و النهي عن المنكر
بعمل بكل جهد اني احارب الفساد واقلل منه باسلوب لين...
وابتعد عن الاسلوب القاسي لان الاسلوب اللين له دور...بالهدايه بعد الله سبحانه وتعالى...
والله يوفق الجميع ويصلحهم ويقوي كل شخص فيه خير
للأمه الاسلاميه يارب




يعطيك العافيه ابو رائد
على الاسئله اللي خلتن افكر كثير
واعتذر اذا كانت اجابتي ناقصه او قصيره:)
او مختصره او ماجاوبت على سؤالك بالطريقه اللي انت تبيه

[غموض نجد]

هلا والله وغلا بغموض

ياحبني لك ...من جد رساويه >> > صارت تقرب لي :) :)

وانا اقول وش هالحلا وش هالزين يالله حيها

عاد حنا مشهوريييين بالحلا ..صح ...على طاري الحلا حياك قهوه ..حلا ..عصير امري

((طول بالك اخوي سعد ..هاذي ماهي سواليف ...هاذي تراااحيب ))

ايه غموووض ... اجهز الاسئله . .وادفي ايديني وارجع لك ...برررررررد


ياهلا والله بتس يالغلا
وباهل الرس وكل المملكه وبرا المملكه واللي على الحدود بعد
هههههههههههههههه
اي والله رساويه ابن عن جد

لا ابي قهوه انا مع زعفران الله لايهينتس
عصير برد حرام عليتس

يالله تدفي زين ترى برد
وارجعي الله يحفظتس ان شاء الله
وانتبهي لاتزلقين وانتي جايه...

[غموض نجد]

لنا رجعه مع الاسئله استعدي غموض البسي الدروع الواقيه من الحين واحفري الخنادق لأني ابرمي في كل مكان مالي دخل

حرااااااااااااام عليك يافهد

ماصدقت على الله هالكرسي وش زينه قلت بتريح شوي
الا تبين البس دروع....دروع تهون لكن فنادق....اقصد خنادق...ذكرتن بكتاب التاريخ


ايه لاتكثر الفشق بس
هههههههههههههههههههه

[دلع بنت ولع]

مرحبا ....اختي غموض ........

والله ذا البرد ..مهما لبستي ما تدفين ...عشان كذا معطيته اشكل ...وشوله البس

نبدا بالاسئله ..

1 / اجمل ذكريات الطفوله ... ؟

2 / اجمل هديه قدمت اليك ؟؟

3 / شي تحرصين يكون معك في رحلاتك وسفراتك ؟؟

4 /لما تزعلييين ...اول شخص تروحين له مين ؟؟

5 / لو طلب منك اختيار اداريي لفريق النصر من تختارين رئيس ....نائب رئيس ..مشرف كرة قدم ؟؟

6 / مع ارتفاع الاسعار وفي ظل هذه الازمه الاقتصاديه ....ومع انتشار مرض انفلونزا الطيور

وبمناسبه الذكرى الثالثه لاعصار تسونامي ....كلمه تحبين تقولينها بمناسبه العوده الى المدارس ؟؟؟؟


؛ ؛؛

الف شكر اختي غموض ....طولنا عليك

...

[غموض نجد]

ياهلا والله ومحبا ومسهلا بغريب
اللي يغيب شهر ويطلع يوم ونص....

شفت كلكم رحتو ياللي انتم قديمين هنا...شف اللغه بس:)

والله اسئلتك منوعه ومع القهوه بكيف عليه


# أبسدح لك ورقه وقلم وبطلب منك تكتبي أعذب الكلام في هالوريقة وإذا خلصتي

أبيك تهدينها ( لمن راح تهدينها )

لا مااتفقنا تكون الاسئله كذا



الحين اللي في بالي ....
امممممممممممممممممم

انا بالهرج مافيه اكثر من هرجي...لكن بالمشاعر ماادري وش اقول

اول مادخلت النت بشكل عام
اول ماكتبت على صفحه قوقل
منتدى العالمي كنت متلهفه لمنتديات النصر واي شئ يتعلق بالنصرالا ويطلع لي منتدى
العالمي نت....صارت لي اشياء قعدت اضحك عليه من ضمنه
التسجيل الى كتابه اول موضوع....اللي عدته يمكن اربع مرات وبكل مره اسلوب...
الى ماطلع بحمد من الله ورعايته:)
وفرحت اول ماانفتحت الصفحه وانكتب
غموض نجد
عدد المشاركات 1
وبمنتدى النصر بعد وه بس....
وبديت في عالم النت...وبدخول المنتديات...
لكن اللي ماتوقعته.......



اني بديت اتعلق بالاعضاء والعضوات واحس فيهم ...صحيح ماتجمعنا الا معرفات...
لكن ورا هالمعرفات ناس وقلوب.....
يمكن من ردودهم احيانن يبين انهم متضايقين...
او فرحانين وحتى لو فيه ناس تكابر على حزنه بضحكه...
وصرنا نفرح لبعض من مباركه بفوز النصر...الى مواساه بهزيمه...


من سفر احد الاعضاء....مثل يوم سافرت انا مره....الى سفر اخوي فيصل...للأمارات..
وسفر باشتورك...للحج والحمد لله على سلامته....وسفر ذيس اس مي...وانقطاع الارسال عنده:)


من غياب الاعضاء....اولهم المتنبي مشرفنا...اللي راح للمنتدى الرسمي...
الى خالد ميكاسا...الى انت ياغريب وعبسي اللي اختفيتو....ونبضه ودلوعه العالمي


الى مرض الاعضاء...منهم اخوفيصل يوم انكسرت ايده...وعمليه سوسو الغلا ...وغياب الفجر البعيد
يمكن ماكان يدخل للعام كثير لكنه كاتب معروف هنا بالمنتدى وله مكانته...

الى زعل باشتورك وسوبر اللي الحمد لله على رجوعهم

الى اوقات الفرح...بالناس اللي بتتزوج..هنا من دون ذكر اسماء
هههههههههه


وكثير اشياء....
اقول الله يحفظكم جميعا...ويخليكم لعينن ترجيكم
ويحقق اللي في بالكم يارب

لاعضاء منتدى العالمي نت




مامفهوم الحرية لديك ؟ وما هو الـ مبـــدأ اللي ماشيه عليه في حياتك ؟ وماهي أولوياتك في الحياة ؟

الحريه ....اختلف مفهومهاعند الناس
وصارو ينظرون ان كل وحده لازم تكون حره في كل شئ وفي اي شئ تسويه وهذا اكيد غلط
حلو الوسطيه لا افراط ولاتفريط
لكن عندي حريه في تصرفاتي بحدود...معينه مااتجاوزها بالنسبه لي

انا ماقدر احصرها بمبدا معين او واحد
لكن دايمن اقول وعلى نياتكم ترز قون..
وامشي عدل يحتار عدوك فيك


رضا والديني علي...
واني مااحمل نفسي فوق طاقتي كثير
حتى بوقت الاختبارات اذا بي نوم رحت ونمت ماواصلت ولا شئ:)
طلعت برا السؤال............صح!!


# إسردي لي احلى موقف في حياتك؟

مب احلى موقف لكنه يضحك....مره اول مابديت اتغطى عن زوج خالتي
وولد خالتي الكبير
ذاك اليوم كنت جااسه...بالصاله طبعا صالتهم...كبيره شوي..فيه كنب وفيه باب يودي
على قسم الرجال.....وكنا قاعدين نسولف ونتقهوى....الا يوم قالو ناصر يبي يجي....
ناصر ولد خالتي...وين وين اروح قلت مالي الاورا الباب...اجلس فيه لما يروح....
طبعا الباب فيه زي الجدار صغير ماادري كيف اوصفه لكم
المهم رحت ووقفت...ووقفت هناك
على امل انه يروح الا الاخ راعي سواليف...وجلس يسولف..ويتقهوى
وهم مع الحماس نسون شكلهم.....
وانا متراكيه على الباب واسمع السواليف ...الا وينفتح الباب الاهو زوج خالتي...
مافيه مفر....طبعا وش اسوي وش اسوي ...رحت وقفت بالصاله وشهقت لاشعوريا...
وقعدت احبي من جنب الكنب...بصراحه ورحت اركض وهم طبعا قعدون
يضحكون
هههههههههههههههههه
الحين بس يضحكون ولهم ساعه..تاركينن منطقه على الباب
ودايم كل ماقعدنا يتذكرون الموقف
وماانساه ابد


# على من تـــرمــين

همومك !

احزانك !
غريب اسئلتك كسرت ايديني
بس بسأل انت بترجع مره ثانيه ولا لا:)

على غموض نفسه.


صفه ترينها في غيرك وكم وددتي أن تمتلكينها ؟

اني اصير رايقه...وهذي الصفه بصديقتي...
ودي بس مااقدر..

ذكريات غموض هل هي مفرحة أم هي قاسية وحزينة ؟

كوكتيل ماشاء الله علي:)
مابين مفرحه
ومابين قاسيه
ومابين حزينه


سؤال في ذهنك تبحثين له عن اجابه وحيركي منذ فتره طويله ؟

ليش مااخذ النصر بطوله:)

ما هوه الدعاء الذي تردديه دائما ؟
اللهم اغفر لي ولوالديني اللهم احسن خاتمتي وهون علي عذاب القبر
وار**ني جنات النعيم
وللمسلمين اجمعين اللهم امين


إيجابيات وسلبيات النت اللتي أثرت على غموض ماهي ؟

ايجابيات اكثر من سلبيات الحمدلله
اول شئ قدرت اتابع اخبار النصر
واشارك في منتدياته
وقدرت اقرا عن مواضيع علم النفس...ومواضيع ثانيه
استفدت كثير والله

سلبياته اني صرت اطول على النت...كثير...واخاف يصير ادمان بس انا اقول فتره وتعدي:)

خخخخخخخخخخخخخخخ
عسى الله ينصرك على من ظلمك ويحقق اللي في بالك
وش رايك عجوز خالصه...تبي كليجا بس

الوسط الرياضي ماذا أضاف لغموض ؟
اضاف لي الهواش والله
من اللي حواليني يقولون وشوله تتابعين كوره... بس ماعلي منهم
النصر مااقدر والله اتركه خصوصاعاد الي مب راعين كوره...ابلشون والله
واضيف بعد وجع الراس وارتفاع القولون ...بعد هزيمه النصر
وطنازه من الهلاليات
لكنه اضاف شئ حلو لصديقاتي
كيم كيكه بمناسبه فوز النصر:)

اضاف لي ان اني اصير مثقفه كرويا..احم احم:)


الأصفر والأزرق ماذا تعني لك ؟
الاصفر لون البيض...احب البيض:)
والازرق لون البحر...وقاسم مشترك مع الخصم الهلال

الاصفر والازرق...لون النصر
والنصر قصه عشق لن تنتهي.....وبس


العالمي إلى أين يسير ؟

الى الاحسن بشكل عام...لكن مستوى الفريق متذبذب
بين مباراه والثانيه...وان شاء الله يفرحنا لو وصيف...بس
واكيد فرق بين العام والسنه هذي..
لكن بعض الصفقات الفاشله لو الله يفكنا منه كان حنا بخير...
ولو يتفقون الاداره...ويخلون مشاكلهم بالبيت...اقصد بالنادي كان احسن...


وش تغديتي اليوم الجمعة 28 / 12 / 2007 م

هههههههههههههههههههه
حلو سؤالك
رز ابيض +سلطه اندونيسيه والله ياهي شئ بعد
تبي المقادير انا جاهزه


مزايين الإبل وشاعر المليون وش وجه الشبه بينها
المزايين مااعرفه...وشاعر المليون...ماتابعته الا قبل كمن يوم الجزء الثاني.....وبس
وش رايك بالتصريفه:)


تحبين تنزلين السوق باستمرار وللا تحبين ترتزي قدام التلفزيون والجلسة بالبيت أكثر
اوقات كذا واقات كذا
يعني على حسب
لكني احب البحر اكثر من البيت ومن السوق....


الحين إنتي مبسوطة وللا زعلانه وليش

لا قاعده اكتب واضحك ومبسوطه الحمدلله
وليش من اسلئتك


وش تحبين أكثر الشاي العادي وللا الشاي الأخضر
هههههههههههههههههه
شاهي نعناع حبق
واحب الاخضر الا انه...مر:)طعمه


ماده تكرينها
كل مــــــــــــــــــــــــ ـــاده علميه اكره وخصوصا الرياضيات يوم كانو يقولون ارسمي ولاترسمين


لا وش دعوى لا اطاله ولاشئ
بس انتفخ اصبعي وبروح ادور ل**ه بس كذا

ياهلا والله بك ياغريب
بس ماقلت لي بترجع ولالا.....:):)

[{صرخة ملك}]

اولا مشكووور سعد على الموضوع

وثانـيا على الاختيار المووووفق

ثالثا اسئلتي
وإنشاء الله ماتكوون ثقيله عليكـ غمووض

اولا ـ من هو الرجل اللذي تفخرين بأنه زوج لكي

ثانياـ من هم أفضل 9 أعضاء او عضوات في المنتدى

ثالثاـ من هو شاعركـي المفضل

رابعـا ـ من هو الشاعر المتميز في هذا المنتدى

خامساـ بأي مدينة تسكنين
ســـــــــــــــادســــــ ــا
اتمنى ان أكوووون لم أزعجك في أسئلتي

وعن السؤال اللذي لاتريدين أن تجيبي عليه ــ تجاهليه ـ

[أمجاد النصر]

أختي غموض
كالعاده
مبدعه في كتابتك
مبدعه في مشاركتك
وايضأً في ردودك
تسلمين وربي يسعدك على تحملك للأسئله
يارب تفرحين بكل شي تحلمين فيه
دمتي بود
أختك:أمجاد

[إنسان عالمي]

الغاليه ع هذا المنتدى / غموض

لا يوجد هناك اسئلة !

كل مافي الموضوع هو اني ...


[ اتمنى لكِ السعادة اينما كنتِ ]


لكِ مني كل الود والتقدير

دمت في رعاية الله ,,,

[غموض نجد]

أختي غموض
كالعاده
مبدعه في كتابتك
مبدعه في مشاركتك
وايضأً في ردودك
تسلمين وربي يسعدك على تحملك للأسئله
يارب تفرحين بكل شي تحلمين فيه
دمتي بود
أختك:أمجاد

اميــــــــــــــــــــــ ــن يارب ولك ياامجاد والله يخليك يارب لعينن ترجيك
على كلامك تسلمين والله
ودمتي بمحبه وفرح ان شاء الله

سؤالك عن رايي في مستوى النصر..
ماكان يرضي طموح النصر
لكنهم ماقصرو اللاعبين والله يعطيهم الف عافيه
ويخليهم لنا...ويفرحوننا مثل دايم
وغياب لاعبين الاولمبي مأثر
لكن النصر بمن حضر على قوله عبدالرحمن بن سعود الله يرحمه

[غموض نجد]

الغاليه ع هذا المنتدى / غموض

لا يوجد هناك اسئلة !

كل مافي الموضوع هو اني ...


[ اتمنى لكِ السعادة اينما كنتِ ]


لكِ مني كل الود والتقدير

دمت في رعاية الله ,,,



تسلم والله يااخوي انسان عالمي
ماتقصر
الله يعافيك
ويرز قك على قدنيتك
وجعل السعاده فيي دربك دوم ان شاء الله
بالتوفيق لك ان شاء الله وين مارحت

[باشتورك]

مارديت على أسألتي يا غموض وش السبب ؟؟ !!! ؟؟

[غموض نجد]

مارديت على أسألتي يا غموض وش السبب ؟؟ !!! ؟؟
بردعلى اسئلتك ياباشتورك ان شاء الله
باقي انت وصرخه ملك
دلع بنت ولع

[زولا35]

.
.
.

أهلاً وسهلاً بشمعة المنتدى الكاتبة المميزة غموض نجد ..
الأسئلة ؟.
س1/ متى بدأ تشجيعك للنصر ؟
س2/ هل تتابعين الرياضة العالمية ؟ وأي فريق تشجعين خارجياً ؟
س3/ لو كنت رئيسة النصر ماهي الخطوات التي سوف تقومين بها لإعادة النصر لمنصات التتويج ؟
س4/ متى تشعرين بالسعاده ؟
س5/ هل تمارسين الرياضة وأي أنواع الرياضة تمارسين ؟
س6/ هل تعملين وماهي طبيعة عملك ( أختياري ) ؟

مساحة حره ..

تقبلي مروري ..

.
.
.

[This Is ME]

السلام عليكم ورحمة الله وبركاته

أمس جيت بأسئلتي وشفت لمبتك الخضراء طافيه

قلت أكيد خذت لها غفوه على الكرسي :al63: قلنا نجيبها بكره وهذا انا جبتها:D<<يصرف تأخيره بالأسئله

بسم الله:al68:


واااااااااااااحد: ماهي الوظيفه التي تتمنين الحصول عليها << مهوب تقولين وزيره خلك في المستطاع:)

ثنييييييييييين: الماده التي كانت تستمتع بها غموض نجد << تكفين لاتقولين رياضيات:al22:

ثلااااااااااااثه: إختاري من الأبيات التاليه ثلاثه ترين انها الأفضل :

1- يــالــيـتـنى مــت وقــالــوا الـخـلـق (مـرحـوم)...

ولاعـرفـت الــحب (وفـراق) الاحــبــاب ...


2- تمطر لغيري من حنانك سحابك .. ويموت قلبي ظامي بين اياديك

3- دمعن تناثر واتعب الكف لمه .. ومن حيرتي قمت امسح الدمع بالدمع

4- اللي ستر عيبه عن الناس بهدوم .. وش يستره لاصار عيبه كلامه


5- ياشينها لاصرت للناس محتاج .. تصغربعين الناس من شان حاجه

6- جيت المكان اللي قعدنا به اوقات .. وعجزت اقعد في مكاني دقيقه

7- تقول ساعدني وانا اقول وشلون .. لو اقدر النسيان ساعدت روحي


8- من راح كيفه وكيفه يوديه..خله على كيفه وكيفه يجيبه..اللي يصد وهاقي اني باناديه..اقطع لساني لو لساني احكي به



9- كتبت الحرف لاجل انسى جروح البارحه واليوم..

لقيت الهم في حرفي تربع يوم خطيته..

الرااااااااااااااااابع: ماهو دوركم مع أخواتكم المنحرفات تتفرجون عليهم او فيه قرار تتخذينه معهم:confused:وإذا كنتي تتفرجين هل تتوقعين هذا حل :confused:

الخاااااااااااااامس : غموض نجد إسم يفخر به المنتدى لما تتسم به من رقي وإحترام لذاتها ولغيرها

في كتاباتها الرياضيه او العامه وأنا دائما مااتسائل كم من الوقت تستغرقه غموض نجد في كتابتها

لمواضيعها وخصوصا اللتي تكون بعد المباريات لأنها غالبا تتسم بالإتقان والطرح الممتع :)


معليش غموض بعود مرتن ثانيه إذا جاوبتي على ذا الأسئله بس بدون قهوه تبين مرق ضبان تراني

هذي أضبطها والله مرقه عل كيف كيفك:D

[غموض نجد]

اولا مشكووور سعد على الموضوع

وثانـيا على الاختيار المووووفق

ثالثا اسئلتي
وإنشاء الله ماتكوون ثقيله عليكـ غمووض

اولا ـ من هو الرجل اللذي تفخرين بأنه زوج لكي

ثانياـ من هم أفضل 9 أعضاء او عضوات في المنتدى



رابعـا ـ من هو الشاعر المتميز في هذا المنتدى

خامساـ بأي مدينة تسكنين
ســـــــــــــــادســــــ ــا
اتمنى ان أكوووون لم أزعجك في أسئلتي

وعن السؤال اللذي لاتريدين أن تجيبي عليه ــ تجاهليه ـ


ياهلا والله فيك اخوي صرخه ملك وبأسئلتك

اولا ـ من هو الرجل اللذي تفخرين بأنه زوج لكي
كل رجل يخاف ربه ومحافظ على صلواته وعبادته....كل رجل يكون بعيد الانانيه...
كل رجل يحمل صفه الكرم...كل رجل يقدر ويحترم الانثى
والاهم من ذلك ان يكون متحملا للمسؤليه


ثانياـ من هم أفضل 9 أعضاء او عضوات في المنتدى

بصراحه صعب احصرهم ب9
كل واحد له ميزته الخاصه فيه

تعجبني الجديه......في القائد رائد وباشتورك...
يعجبني المرح في ...في فهد الثنيان نصراويه فيصل غريب الديره عبسي...مهوسه نبضه نصراويه...عاشق سعد
سعد الحارق...جمر ولد عم عبدالعزيز:)
تعجبني الحكمه والمرح في نفس الوقت في ......ذيس اس مي...زولاه35...نصراوي 5599اللي مختفي...وميكازا
تعجبني شاعريه...سوبر ستار صرخه ملك...ساره...انسان عالمي ...عهد...
يعجبني هدوء...فيرون النصر ...ورعد الرياض...وسوسو الغلا...وبري..والشريف...ح المه ببطوله

والاعضاء الجدد...اللي يمكن ماتعرفت عليهم كثير...امجاد النصر.جوري النصر ...حارقه دمهم ..دلع بنت ولع...
واسفه اذا نسيت احد:) لانه كل واحد هنا عنده ميزه تعجبني فيه واكيد فيه اكثر من عضو او عضوه..يجمعون اكثر من صفه...ولكن هذي الصفات الاميز فيهم


ثالثاـ من هو شاعركـي المفضل
انا مااحب شاعر معين لكن اختار القصيده اللي تعجبني من دون مااحرص على مين كاتبها
لكن اكثر شئ كنت اقرا لطلال الرشيد الملتاع الله يرحمه ان شاء الله


رابعـا ـ من هو الشاعر المتميز في هذا المنتدى
صعب احكم من الحين..لان لكل واحد اسلوبه
بالخواطر كثير اعضاء بدت تطلع مواهبهم....لكن بالشعر اشوف انت وسوبر ستار...تميلون للشعر اكثر:)


خامساـ بأي مدينة تسكنين
الرس فديته:)
وكل الاسئله جاوبتهم ويعطيك العافيه ويوفقك ان شاء الله

[غموض نجد]

هلا وغلا بغمووووووض نجد



الأسئلة كالتالي :::


1. أين أنتي من واقع الأمة الإسلامية ؟؟




2. ماهو رأيك بحال أمتنا وما هو عزائك لها ؟؟؟





3. كيف تقيمين وضع منتدى العالمي نت بكل صراحة ؟؟؟



4. هل العالمي نت كان ولا زال مميزا ً وإلا هناك فرق ؟؟؟



5. ما هي الصفات اللتي تتمنينها بكل عضو وعضوة بالعالمي نت ؟؟؟



6 . منتخبك وناديك المفضل عالمياً ؟؟؟



7 . مساحة لا تتعدى السطرين قولي ماشئتي بها ؟؟!!!



ياهلا فيك يااخوي باشتورك
وباسئلتك:)



1. أين أنتي من واقع الأمة الإسلامية ؟؟
2. ماهو رأيك بحال أمتنا وما هو عزائك لها ؟؟؟
اكيد ان واقع الامة الاسلامية باحدثها و وقائعها ما ترضي احد ... واكيد ان احنا كمسلمين .. نطمح للافضل
لكن التيارات الغربيه المعاديه والفكر الغربي الغير سوي...للاسف أثر في حالنا تأثير كبيروالمؤسف اكثر..
انه لقى قبول .. من فئة معينه من شباب وشابات الامة الاسلامي...وايضا حال المسلمين في الدول المحتله .. حال ما يرضي اي مسلم..لكن .. من خلق لا ينسى.. والله يكون في عونهم ..


3. كيف تقيمين وضع منتدى العالمي نت بكل صراحة ؟؟؟
اكيد بجاوبك بكل صراحه
المنتدى ولله الحمد في تطور مستمر....
بدايه بافتتاح اقسام جديده وكل الشكر للأداره على مجهودهم...
الى وجود اعضاء متميزين...باخلاقهم..قبل مواضيعهم...
ولكن ينقصه التطوير في ..ستايل المنتدى..وان شاء الله الاداره ماتقصر...
وانهم ينتبهون اكثر للمواضيع اللي تكتب بمنتدى الجماهير يكون فيه رقابه اكثر بصراحه
غير الردود ...اللي مادريالله يهديهم وشلون يكتبونه....صار لي موقف قبل امس...بعد مانزلت موضوعي..
والقى واحد ناسخه كما هو لكن..هو ماحط الوان حاط لون واحد:)....وانصدمت وناسخ حتى العنوان...بعد
وماشفته انحذف...يكون فيه زياده مشرفين...يساعدون المشرفين الاساسيين

4. هل العالمي نت كان ولا زال مميزا ً وإلا هناك فرق ؟؟؟

بالنسبه لي شخصيا...اشوفه الافضل...لولا الاسباب اللي ذكرتهن على اجابه السؤال اللي قبله
والاميز باعضاءه بصراحه يمكن مااقدر احكم على اعضاء المنتدى كله لكن انا اشوف الاقسام العامه بحكم تواجدي اكثر...من افضل الاعضاء...ماشاء الله عليهم

5. ما هي الصفات اللتي تتمنينها بكل عضو وعضوة بالعالمي نت ؟؟؟
اتمنى انهم يعبرون عن رأيهم .. ويطلقون العنان لاقلامهم .. لتبدع....ويدعون مواهبهم ترى النور..
ويجعلون من رقي المنتدى هدفهم...ومصلحة المنتدى نصب اعينهم..ولكنها ليست امنيه
لاني بصراحه اشوف هالاشياء فيهم
والله يخليهم للمنتدى ان شاء الله

6 . منتخبك وناديك المفضل عالمياً ؟؟؟
والله ياباشتورك مااتابع ابدا..غير النصر...وحاولت كذا مره
اشوف لكن ماقدرت اشوف نفسي الا نصراويه وبس...

7 . مساحة لا تتعدى السطرين قولي ماشئتي بها ؟؟
والله علي اختبارات واتمنى التوفيق
لي وللجميع ان شاء الله ادعو لي:)
والله يفوز النصر مع الاتحاد قولواميــــــــــــــــــ ــــــــــــن

ويعطيك العافيه ياباشتورك وجاوبت على الاسئله:)

[{صرخة ملك}]

مشكوووورهـ أختي غموووووض



على الرد

[غموض نجد]

مشكوووورهـ أختي غموووووض



على الرد

الشكر لك ياعبدالله
ولأسئلتك ماقصرت
يعطيك العافيه

[حالمه ببطوله]

ياعمري غموض أجل أختاروك في كرسي الاعتراف :)
ههههههه
الا والله نور الكرسي بوجودك فيه
والله ودي أسئلك كم سؤال بسيط مابي أطول عليك لأني شفت وش قد جاك أسئله من الأعضاء << رحمتك ههههه
ياحليلك والله
أمممممم

السؤال الاول :
برأيك هل تعتقدين أن دراسة علم النفس مهمه وتستحق الجهود المبذوله الآن في الارتقاء به وتطويره , وأين تجدين وترين أهميته ؟؟

السؤال الثاني:
مارأيك بمقولة (أن علم النفس علم غربي وغير مرغوب ومعقد ومن يقوم بدراسته يكون كذلك)!!!؟؟

السؤال الثالث:
ماهي الكتب التي تستهويك وغالبا تبحثين عنها؟؟

السؤال الرابع:
ما هي أكثر مخاوفك التي تراودك في حياتك بالحاضر والمستقبل؟؟

السؤال الأخير << لأني أحس طفشتك :)
قبل أن تنامين , ماهو نوع الأفكار التي تدور في ذهنك في الغالب؟ هل مثلا تكون سلبيه أم ايجابيه ؟؟

[أنا كلي نصر]

السلام عليكم والرحمه
منوّره شمعتنا والله يعينك علينا :p

هل تعرضتِ لموقف في المنتدى من أحد الأعضاء جرحكِ أو زعلكِ ؟.
من أقرب الأشخاص لفكرك في المنتدى ؟.
متى تتمنى غموض إنه تكون ذاكرتها خارج التغطيه ؟.
كلمتين توصفين فيها الكيان ؟.

وبس :D

[ELTON]

غموض نجد استعدي


3 أسئلة بس

1- سياسي


2- ثقافي

3- رياضي


الأول السياسي :


ما رأيكـــ في اغتيال بوتو ؟



الثاني الثقافي :


ما رأيكــ في الشاعر ياسر التويجري

والشاعر حامد زيد


السؤال الرياضي :

وش تعني لكــ ها الكلمات :



النصر؟

الهلال؟

الدوري السعودي؟

الخوجلي؟

طلال الرشيد؟


أرجوا أن يكون مروري خفيف المهم أنكــ تجاوبين يا المبدعة : (( غموض نجد ))

[عهد النصر]

السلام عليكم ورحمة الله وبركاته
كيفك اختي غموض نجد
حبيت اسلم عليك
واقوللك يعطيك الف الف الف عافيه
على جهودك
وتستاااهلين كل خير
وكفايه اسئلتهم الله يعينك

[غموض نجد]

مرحبا ....اختي غموض ........

والله ذا البرد ..مهما لبستي ما تدفين ...عشان كذا معطيته اشكل ...وشوله البس

نبدا بالاسئله ..

1 / اجمل ذكريات الطفوله ... ؟

2 / اجمل هديه قدمت اليك ؟؟

3 / شي تحرصين يكون معك في رحلاتك وسفراتك ؟؟

4 /لما تزعلييين ...اول شخص تروحين له مين ؟؟

5 / لو طلب منك اختيار اداريي لفريق النصر من تختارين رئيس ....نائب رئيس ..مشرف كرة قدم ؟؟

6 / مع ارتفاع الاسعار وفي ظل هذه الازمه الاقتصاديه ....ومع انتشار مرض انفلونزا الطيور

وبمناسبه الذكرى الثالثه لاعصار تسونامي ....كلمه تحبين تقولينها بمناسبه العوده الى المدارس ؟؟؟؟


؛ ؛؛

الف شكر اختي غموض ....طولنا عليك

...

ياهلا بتس والله وحياتس الله

1 / اجمل ذكريات الطفوله ... ؟
يوووووووووووه والله كثيره وتهبل ليته ترجع...
لكن كنت شوي شيطانيه...وكا مااكبر اعقل...:)وكنت احب العب مع العيال اكثر شئ...
وخصوصا عيال خالي....ومخي تجاري ماشاء الله علي من يوم كنت صغيره...
فقررت اني ابيع طرطعان...حنا كذا نسميه...لكن يمكن يكون له اسم شروخ..او العاب ناريه
المهم قررت اني ابيع...وبتشجيع من ابوي...بعد الحنه والرنه...واذا حطيت شئ في بالي اسويه..
وراسي يابس....فقررت اني ابيع...عند بيت جدي الله يرحمه على عيال الحاره...
وعلشان مايستهبلون علي العيال ويسرقون من...فكرت..وفكرت..وقررت اني اسوي...طبعا
بعد ماكبر المشروع..وبدا ينجح...وشريت بضاعه جديده...وكاسر بعد من المحل...خخخخخخخخ
المهم اللي قررته اني..ااجيب شطرطون...وكرتون...واحط حبه وحده من كل نوع...والصق عليه..
واخليهم يختارون..اول..واخليهم يحاسبون...شفتو احد يحاسب قبل لايستلم البضاعه..:)
وبعد ين ادخل واجيب اللي يبونه من داخل البيت.....
وبعد نجاح المشروع...قروو عيال خالي ينكدون علي...وقالو لي...ياما تدخليننا شراكه ياما بنجيب بضاعه
احسن ونخرب عليك...وحنا عيال نقدر نروح...للبيوت ...ونعرف عيال نخليهم يشترون مننا...
قلت خلاص بس كيف تدخلون...وانتم ماجبتو فلوس....فقالو بندخل معك...بفلوس شويه لكن
...خلينا ناخذ البضاعه..ونروح نمشي...للحاره..ونبيع على العيال....بس والله
كسبنا ذيك الايام وقسمنا الفلوس بيننا يالثلاثه...
وكانت احلى ايام عندي...

2 / اجمل هديه قدمت اليك ؟؟
كانت سفره بالصيف اللي راح...لاني تفاجئت بالسفره
وهديه من بنت خالتي بالعطر اللي احبه
وفيه بصراحه هدايا كثيره..وانا من النوع اللي يحتفظ بالهديه حتى لو كانت ورقه...
فعندي ورقه من قريبتي..لها سنين ومره خليته تشوف الورقه وخليته تقراه واضحكت اني محتفظه فيها

3 / شي تحرصين يكون معك في رحلاتك وسفراتك ؟؟
دفتري...اللي اكتب فيه كل مااسافر اخذه معي
وتعرفين...اغراض البنات والله ماادري وش اقول يعني:)


4 /لما تزعلييين ...اول شخص تروحين له مين ؟؟
لغرفتي:) لأني مااحب اتكلم مع احد وانا زعلانه...لكن احيانن اكلم بنت خالتي


5 / لو طلب منك اختيار اداريي لفريق النصر من تختارين رئيس ....نائب رئيس ..مشرف كرة قدم ؟؟
بصراحه انا ماادري وش يصير بداخل النادي..علشان اقيم من يكون الرئيس او نائبه
لكن كل واحد يحرص على مصلحه النادي..ويشوف انه قادر يقدم الافضل للنادي..
ويتحمل مسؤليه المنصب اللي هو فيه...والاداره عموما في تحسن..



6 / مع ارتفاع الاسعار وفي ظل هذه الازمه الاقتصاديه ....ومع انتشار مرض انفلونزا الطيور

وبمناسبه الذكرى الثالثه لاعصار تسونامي ....كلمه تحبين تقولينها بمناسبه العوده الى المدارس ؟؟؟؟
هههههههههههههههههههههههه
اقولهم الله الله باللبس
تدحو..واشربو زنجبيل...الصبح....


لا طولتي ولاشئ حياتس بكل وقت...:)
وانتبهي لدراستس

[رعد الرياض]

سؤالي لأختي غموض

متى تمكن حب النصر من قلبك؟

[غموض نجد]

.
.
.

أهلاً وسهلاً بشمعة المنتدى الكاتبة المميزة غموض نجد ..
الأسئلة ؟.
س1/ متى بدأ تشجيعك للنصر ؟
س2/ هل تتابعين الرياضة العالمية ؟ وأي فريق تشجعين خارجياً ؟
س3/ لو كنت رئيسة النصر ماهي الخطوات التي سوف تقومين بها لإعادة النصر لمنصات التتويج ؟
س4/ متى تشعرين بالسعاده ؟
س5/ هل تمارسين الرياضة وأي أنواع الرياضة تمارسين ؟
س6/ هل تعملين وماهي طبيعة عملك ( أختياري ) ؟

مساحة حره ..

تقبلي مروري ..

.
.
.



ياهلا والله فيك
الرجل الغامض زولاه35
يسلمك ربي على الكلام والله يخليك يااخوي


س1/ متى بدأ تشجيعك للنصر ؟
بدايه كان طريق ابوي...لانه مشجع نصراوي...
وكنت اول شئ صغيره وعادي عندي...ولكن بعد الذكريات...الي صارت تعلقت فيهم..اكثر
وتقريبا لي 12 سنه

س2/ هل تتابعين الرياضة العالمية ؟ وأي فريق تشجعين خارجياً ؟
بصراحه لا مااتابع..لكن كانت هناك محاولات
من صديقاتي...اني اشجع اللي تقول ..برشلونه..لا ريال المدريد..
ولا اس ميلان...وشفت كذا مباراه..لكن حسيت نفسي
مااقدر اشجع واحب الا النصر وبس



س3/ لو كنت رئيسة النصر ماهي الخطوات التي سوف تقومين بها لإعادة النصر لمنصات التتويج ؟
بغير سياسة الادارة ....للأفضل
وبعطي اعضاء الشرف الفعالين ... الصلاحيات وفق فعاليتهم...
واقيم معسكر خارجي ويفضل ان يكون في ضيافه مانشستر يونايتد للاعبين ..
احفز اللاعبين وفق مقدرتي .. ..
واني اجيب مدرب .. ولاعبين اجانب يناسبون مستوى النادي .. و وفق طموح الجمهور
اعطي كل ذي حق حقه .. سواءا لاعب او مدرب او عضو شرف...
واحاول ابحث عن اي مشروع من شانه يدر دخل مادي على النادي....
اعقد كل 3 اسابيع او شهر مؤتمر صحفي من شانه يقرب النادي واللاعبين من وسائل الاعلام
ويكون هناك يوم ترفيهي للاعبين .. واقربهم من الجمهور
بحيث انه يعطي اللاعبين فرصه للتحفيز المعنوي
ويعطي الجماهير فرصه للتقرب من اللاعبين....



س5/ هل تمارسين الرياضة وأي أنواع الرياضة تمارسين ؟
المشي اكيد احبه كثيــــــــــــــــــرو
والحين بديت دروس....كاراتيه مع خدامتنا:)...قلت فرصه واستفيد...مع انه جان بصراحه شد عضلي اول شئ
لاني ماتعودت لكن ...مازالت الدروس مستمره...طموحه...بس بين وقت ووقت...
مودايم يعني...

س6/ هل تعملين وماهي طبيعة عملك ( أختياري ) ؟
طالبه بالجامعه
اداره واقتصاد
وادع لي بالوظيفه ان شاء الله:)



وشكرا لك ولأسئلتك
وبالتوفيق لك

[غموض نجد]

السلام عليكم ورحمة الله وبركاته

أمس جيت بأسئلتي وشفت لمبتك الخضراء طافيه

قلت أكيد خذت لها غفوه على الكرسي :al63: قلنا نجيبها بكره وهذا انا جبتها:D<<يصرف تأخيره بالأسئله

بسم الله:al68:


واااااااااااااحد: ماهي الوظيفه التي تتمنين الحصول عليها << مهوب تقولين وزيره خلك في المستطاع:)

ثنييييييييييين: الماده التي كانت تستمتع بها غموض نجد << تكفين لاتقولين رياضيات:al22:

ثلااااااااااااثه: إختاري من الأبيات التاليه ثلاثه ترين انها الأفضل :

1- يــالــيـتـنى مــت وقــالــوا الـخـلـق (مـرحـوم)...

ولاعـرفـت الــحب (وفـراق) الاحــبــاب ...


2- تمطر لغيري من حنانك سحابك .. ويموت قلبي ظامي بين اياديك

3- دمعن تناثر واتعب الكف لمه .. ومن حيرتي قمت امسح الدمع بالدمع

4- اللي ستر عيبه عن الناس بهدوم .. وش يستره لاصار عيبه كلامه


5- ياشينها لاصرت للناس محتاج .. تصغربعين الناس من شان حاجه

6- جيت المكان اللي قعدنا به اوقات .. وعجزت اقعد في مكاني دقيقه

7- تقول ساعدني وانا اقول وشلون .. لو اقدر النسيان ساعدت روحي


8- من راح كيفه وكيفه يوديه..خله على كيفه وكيفه يجيبه..اللي يصد وهاقي اني باناديه..اقطع لساني لو لساني احكي به



9- كتبت الحرف لاجل انسى جروح البارحه واليوم..

لقيت الهم في حرفي تربع يوم خطيته..

الرااااااااااااااااابع: ماهو دوركم مع أخواتكم المنحرفات تتفرجون عليهم او فيه قرار تتخذينه معهم:confused:وإذا كنتي تتفرجين هل تتوقعين هذا حل :confused:

الخاااااااااااااامس : غموض نجد إسم يفخر به المنتدى لما تتسم به من رقي وإحترام لذاتها ولغيرها

في كتاباتها الرياضيه او العامه وأنا دائما مااتسائل كم من الوقت تستغرقه غموض نجد في كتابتها

لمواضيعها وخصوصا اللتي تكون بعد المباريات لأنها غالبا تتسم بالإتقان والطرح الممتع :)


معليش غموض بعود مرتن ثانيه إذا جاوبتي على ذا الأسئله بس بدون قهوه تبين مرق ضبان تراني

هذي أضبطها والله مرقه عل كيف كيفك:D




وانا لمبتي صلحت لكن شكل لمبتك ياعبدالعزيز اللي خربت:) ماادري وراه
بهاوش..ونسيت
اني اهلي وارحب بس ماراح اعطيك قهوه...

ماهي الوظيفه التي تتمنين الحصول عليها
انا قايلت لك طموحه بس ماابي وزارات..ابي شركه لي:)
ويفضل شركه ملابس....اتشرط بعد
من جد..ودي بكذا....لكن اذا ماحصل...وظيفه..فيها روحه وجيه وحماس الي يناسب
تخصصي...لكن مابي جلسات المكاتب والطقطقه على الكمبيوتر...

الماده التي كانت تستمتع بها غموض نجد

لا ريااااااااااااااضيات ....احب علم النفس اغلب الحصص سابقا
كلها سواليف بس اذا احد قام يشوفن اكون بريئه:)...الا بعلم النفس
الله يرحم ثاني ادبي اول...يقولون وش هالادب والسكوت اللي انتي فيه
اذا صارت حصه علم النفس.. والانجليزي اكيــــــــــــــــداحبه

إختاري من الأبيات التاليه ثلاثه ترين انها الأفضل :
اختيارك للابيات ياعبدالعزيز خطير لكن بما انك قلت 3كنت بختارهم كلهم...وبكتب عن كل بيت لكن انت قلت 3

من راح كيفه وكيفه يوديه..خله على كيفه وكيفه يجيبه..اللي يصد وهاقي اني باناديه..اقطع لساني لو لساني احكي به


دمعن تناثر واتعب الكف لمه .. ومن حيرتي قمت امسح الدمع بالدمع


كتبت الحرف لاجل انسى جروح البارحه واليوم..

لقيت الهم في حرفي تربع يوم خطيته..


ماهو دوركم مع أخواتكم المنحرفات تتفرجون عليهم او فيه قرار تتخذينه معهم:confused:وإذا كنتي تتفرجين هل تتوقعين هذا حل :confused:

انا ماصادفت كثير لكن من الي اشوفهم ...
اكون بعيده عنهم...اكيد...ومااقرب عندهم...ولا احتك فيهم
واقول الله يشفيهم مما ابتلاهم....
وبصراحه مااقرب منهم من كثر مااسمع عنهم
وعن مشاكلهم...والي ممكن يسوونه...اخاف على نفسي..وافضل اني ادعي لهم ومااقرب منهم..
اما اذا حاولت اي وحده انها تقرب مني.....يكون لي تصرف ثاني معه..



غموض نجد إسم يفخر به المنتدى لما تتسم به من رقي وإحترام لذاتها ولغيرها

في كتاباتها الرياضيه او العامه وأنا دائما مااتسائل كم من الوقت تستغرقه غموض نجد في كتابتها

لمواضيعها وخصوصا اللتي تكون بعد المباريات لأنها غالبا تتسم بالإتقان والطرح الممتع :)

الله يسلمك..والله كتاباتي اللي عن المباريات..
شوف ...اول شئ اجيب ورقه وقلم....وافتح اللاب توب...واقعد عند التلفزيون...وافتح على العالمي نت
وافتح صفحه وورد...بصراحه اخاف افتح...على صفحه الموضوع ويطير من خصوصا بعد
قصه اخوي زولاه3...في موضوع الذكريات يوم كتب موضوعه...وراح عليه
قلت اخذ احتياطي...
اما المواضيع الثانيه على حسب الالهام...وخصوصا موضوع الكيكه حق فوز النصر
كتبته بالجامعه:)


مرقه ضبان والله ماني قايله شئ:mad:
ياربي لك الحمد تجيب ضب صغير بلحاله عادي من دون طبخ ايه ماخاف منه...ولاتقولي تاكل بيض الضبان بعد

وحياك الله ترجع باسئلتك بكل وقت

[نصراوي 5599]

السلام عليكم :eek::eek:
كيف حالك ياغموض وشلونك مع الاسئله والله اني رحمتك .. ماقول الا الله يعينك ولا يجدعنا :al82:على هالكرسي ان شاء الله .. شكلى داخل اواسي :al27:.. والسبب اني جاي أسأل بس يوم شفت الأسئلة اللي على راسك ..هونت وكسرتي خاطري :al59:.. لكن ماراح اطلع الا بكم سؤال خفافي:al9: :-
.
.
.
.
"اشرحي نظرية الرجل الطائر لإبن سينا"<< امــزح
.
.

1- تعرفين تطبخين الاكلات الشعبيه ؟ وماهي اكلتك المفضله من يداك ؟
.
.

2- افضل حلى قهوه تفضلينه وهل تحبين الكليجا والحنيني << مناسبة البرد

بــس خلصت مستحي :o، واذا عطيتيني الضوء الاخضر راح ارجــع عندي كم سؤال فضولي:cool: ؟

[>> نصراويه<<]

8
8
8
8
8
نصراوي5599

وخر عن وجهي شوي ابي اسئل


السلام عليكم ورحمه الله وبركاته
كيفك ياغموض نجد
وكيف الكرسي معك؟؟

اعتذر عن التأخير>> ترا لو ماجيتي احسن!!

المهم ماابي اطول عليك لان اصلا الاعضاء خلصو علي كل الاسئله

اول شي/ عندك مدونه على الانترنت .. اذا ايه عطيني الرابط اذا لا ليش ماتسوين لك مدونه
بصراحه انا انصحك تسوين وتجمعين فيها كل خواطرك الي تكتبينها لنا هنا!!>> مجرد اقتراح
ثاني شي/ وش هي برامجك التلفزيونيه المفضله؟؟
ثالث شي/ متى اخر مره زرتي الرياض؟؟
رابع شي/ لو رحت للرس وش احسن الاماكن الي تنصحيني ازورها؟؟
خامس شي/ اغلبنا وبالصدفه يلتقي بأحد المشاهير وجه لوجه ؟؟ اذا حصل وقابلتي احد مين؟؟
اخر شي / اغلب البنات الي اقابلهم يهتمون بـ " الابراج " بشكل مو طبيعي رغم انهم يعرفون حكمها!!
السؤال وش برجتس خخخخخخخخخخ لالا وش رايك في الي يهتمون فيها؟؟؟؟؟؟؟؟؟؟

خلاص الى هنا ونكتفي وبالتوفيق لك:)

[غريب الديره]

ياهلا والله ومرحبا ومسهلا بغريب

أهلين فيك

اللي يغيب شهر ويطلع يوم ونص

أنا كذا !! :al64:
:cool: :cool:


لا مااتفقنا تكون الاسئله كذا

أجل كيف متفقين تكون الأسئلة :confused:


مره اول مابديت اتغطى عن زوج خالتي
وولد خالتي الكبير
ذاك اليوم كنت جااسه...بالصاله طبعا صالتهم...كبيره شوي..فيه كنب وفيه باب يودي
على قسم الرجال.....وكنا قاعدين نسولف ونتقهوى....الا يوم قالو ناصر يبي يجي....
ناصر ولد خالتي...وين وين اروح قلت مالي الاورا الباب...اجلس فيه لما يروح....
طبعا الباب فيه زي الجدار صغير ماادري كيف اوصفه لكم
المهم رحت ووقفت...ووقفت هناك
على امل انه يروح الا الاخ راعي سواليف...وجلس يسولف..ويتقهوى
وهم مع الحماس نسون شكلهم.....
وانا متراكيه على الباب واسمع السواليف ...الا وينفتح الباب الاهو زوج خالتي...
مافيه مفر....طبعا وش اسوي وش اسوي ...رحت وقفت بالصاله وشهقت لاشعوريا...
وقعدت احبي من جنب الكنب...بصراحه ورحت اركض وهم طبعا قعدون
يضحكون

هههههههههههههههههههه هههههههههههههههههههههه

<<<<<<<< كان وده إنك جالسه الى الحين ورى الباب :al68:


اللهم اغفر لي ولوالديني اللهم احسن خاتمتي وهون علي عذاب القبر
وارز قني جنات النعيم
وللمسلمين اجمعين اللهم امين



اللهم آمين

رز ابيض +سلطه اندونيسيه والله ياهي شئ بعد


ليييييش ..!! هو فيه سلطة إندونيسية !!


لا قاعده اكتب واضحك ومبسوطه الحمدلله
وليش من اسلئتك

:cool: :cool: :cool:

غريب اسئلتك كسرت ايديني

تستاهلين :al81:

بس بسأل انت بترجع مره ثانيه ولا لا

خلاص , بس رجعت أشوف هالإجابات


عـ العموم ماقصرتي والله يوفقك دنيا وآخرة

[غموض نجد]

ياعمري غموض أجل أختاروك في كرسي الاعتراف :)
ههههههه
الا والله نور الكرسي بوجودك فيه
والله ودي أسئلك كم سؤال بسيط مابي أطول عليك لأني شفت وش قد جاك أسئله من الأعضاء << رحمتك ههههه
ياحليلك والله
أمممممم

السؤال الاول :
برأيك هل تعتقدين أن دراسة علم النفس مهمه وتستحق الجهود المبذوله الآن في الارتقاء به وتطويره , وأين تجدين وترين أهميته ؟؟

السؤال الثاني:
مارأيك بمقولة (أن علم النفس علم غربي وغير مرغوب ومعقد ومن يقوم بدراسته يكون كذلك)!!!؟؟

السؤال الثالث:
ماهي الكتب التي تستهويك وغالبا تبحثين عنها؟؟

السؤال الرابع:
ما هي أكثر مخاوفك التي تراودك في حياتك بالحاضر والمستقبل؟؟

السؤال الأخير << لأني أحس طفشتك :)
قبل أن تنامين , ماهو نوع الأفكار التي تدور في ذهنك في الغالب؟ هل مثلا تكون سلبيه أم ايجابيه ؟؟

وش دعوى ياحالمه..حياتس الله يالغاليه بكل وقت.....قاعده اعزم انا على قهوه:)
هههههههههههه
الاوالله ياهلا ومسهلا...


برأيك هل تعتقدين أن دراسة علم النفس مهمه وتستحق الجهود المبذوله الآن في الارتقاء به وتطويره , وأين تجدين وترين أهميته ؟؟

نعم مهم مثله مثل اي مجال اخر...يستحق الاهتمام والتطوير...
مهم..في ...في عده مجالات...فهناك دكتورات لمعالجه المرضى النفسانين...
ودكتورات في السجون...لمتابعه للسجينات....ومحاورتهم..وف ي بعض الحالات قد تساعد على معرفه الاسباب التي ادت بها الى ارتكاب الجريمه...
والاخصائيه الاجتماعيه في المدارس....لمتابعه مشاكل الطالبات....ومحاوله مساعدتهن..في تخطي هذه المشكلات...
وينطبق على الذكور والاناث...


مارأيك بمقولة (أن علم النفس علم غربي وغير مرغوب ومعقد ومن يقوم بدراسته يكون كذلك)!!!؟؟

شوفي يالغاليه..الناس كل شخص وله
وجهه نظره ومافيه قاعده تمشي على الجميع

بالعكس علم النفس مرغوب فيه والدليل..وجود اقسام مخصصه للدراسه..
واما من ناحيه التعقيد....فكل شخص يتاثر بمجال شغله...
التاجر.يتكلم عن المشاريع..والفلوس....
والدكتور يتكلم عن الامراض....فطبيعي اللي يدرس علم النفس
يتأثر بشغله ودراسته....لكن متصل الى درجه
التعقيد...الا اللي مايقدر يفصل بين حياته وشغله
بأعتقادي على حسب الشخص نفسه!!


ماهي الكتب التي تستهويك وغالبا تبحثين عنها؟؟
كتب الفلسفه وعلم النفس...بالاضافه الى كل مايتعلق بالظواهر الاجتماعيه..مايخص المجتمع...
اقرا بعض القصص..واحيانن اقرا مقالات علميه...اذا وجدت معلومات غريبه...


ما هي أكثر مخاوفك التي تراودك في حياتك بالحاضر والمستقبل؟؟
الحين يصراحه ماافكر واحاول اعيش كل يوم بيومه واللي فيه ولا افكر كثير في بكرا
لاني قبل فكرت كثيـــــــــــــــــــــر والحين احاول ماافكر


ماهو نوع الأفكار التي تدور في ذهنك في الغالب؟ هل مثلا تكون سلبيه أم ايجابيه ؟؟

احيانن ايجابي واحيانن سلبي


اشكر تواجدك ياحالمه واتمنى
جاوبت على اسئلتك زي ماتبين:)

[غموض نجد]

السلام عليكم والرحمه
منوّره شمعتنا والله يعينك علينا :p

هل تعرضتِ لموقف في المنتدى من أحد الأعضاء جرحكِ أو زعلكِ ؟.
من أقرب الأشخاص لفكرك في المنتدى ؟.
متى تتمنى غموض إنه تكون ذاكرتها خارج التغطيه ؟.
كلمتين توصفين فيها الكيان ؟.

وبس :D

وعليكم السلام ورحمه الله وبركااااااااااااااته
اول شئ مبروك الحج تقبل الله منا ومنكم
حجا مقبولا وسعيا مشكورا
ياحبي لتس...
تسلمين والله
وياهلابتس....



هل تعرضتِ لموقف في المنتدى من أحد الأعضاء جرحكِ أو زعلكِ ؟.
اممممممممممممم


























































لا والحمدلله:)


من أقرب الأشخاص لفكرك في المنتدى ؟.
احساسي يقول...حالمه ببطوله...انا كلي نصر
زولاه35...عبدالعزيز
نصراويه....سوبر ستار...

متى تتمنى غموض إنه تكون ذاكرتها خارج التغطيه ؟.اذا انهزم النصر
خخخخخخخخخخخخخخخخخ
واذا تذكرت شئ مب حلو

كلمتين توصفين فيها الكيان ؟.
حراااااااااااااام عليتس تبين الكيان بكلمتين
احبه للابد

ياهلا والله باسئلتس الحلوه

[فهد الثنيان]

بسم الله وينتس ياغموض



نقول في البدايه ليه ياغموض الحين انتي ذاك اليوم قبل امس يومنك هنا تذكرين 00 هذا أول سؤال >> الحرب خدعه

ههههههههه امزح

---------

نبدأ طيب في الجد


* احم 0000 أبغى اعرف في البدايه خلافتك ومولدك وسيرتك الذاتيه في ثلاث حروف فقط تقدرين >> الأعجاز العلمي


* نظرتك للعام الجديد

* غموض نجد أهو أسم على مسمى أم مجرد إسم معرف ؟

* هل لكي أخا أو أختا لم تلده أمك ؟

* ماهو الشي الذي أتاكي ولم تبحثي عنه ؟

* ماهو أجمل يمو مر في حياتك ؟

* ماهو أسوأ يوم مر في حياتك ؟

* أماهو أكبر خطأ ارتكبتيه في حياتك ؟

* أمر فعلتيه وندمتي عليه ؟

* لمن تعطين أسرارك ؟

* ماهو الوجه القبيح للدنيا وماهو الوجه الحسن في نظرك ؟

* أكبر إنجاز حققتيه حتى الان ؟

* آخر مرة نزلت فيها دمعة غموض وماهو السبب ؟

* أسوأ ماتكرهين في الرجال وأجمل ماتحبين ؟

* من هو مثلك الأعلى ؟

* لمن تقولين :



( ماقصرت )

-------

( ستأتي بك الأيام وتتذكر )

-------------

( لاتحزن )

--------


( لاتفرح )

----------

( كفى )

---------------

وانا هنا اكتفيت من الأسئله وأعتبرك من أسرى الحرب ياغموض ان تهربتي من الأسئله 000 :al84:

بكيفك :al64:

[إبراهيم اليحيى]

^
^
^
^
^
هههههههههههههه الله يعينتس يا غموض

حبيت أمر وأسلم بس ما عندي أسئله ( منب ملقوف ) <<< خخخخ أمزح

وأتمنى لك التوفيق أختي غموض نجد في مسيرتك المستقبليه

الله يحفظك ويرعاك

[غموض نجد]

غموض نجد استعدي


3 أسئلة بس

1- سياسي


2- ثقافي

3- رياضي


الأول السياسي :


ما رأيكـــ في اغتيال بوتو ؟

والله مااتابع السياسه...اعتذر منك:)



الثاني الثقافي :


ما رأيكــ في الشاعر ياسر التويجري

والشاعر حامد زيد
الشاعر ياسر التويجري يكفي انه نصراوي...متعصبه لنصر..لكن مااسمع له ولا اقرا له كثير بصراحه
.قصيدته..يامعذبتني ليه...تعجبني...
يعجبني الشاعر..حامد زيد...وله اسلوب مختلف...ومميز في الشعر...
ويمكن انا ماذكرت ..قبل اني اتابع شاعر معين..لكن افضل...اغلب اشعار حامد زيد..سعدبن علوش..
وفيصل اليامي...والامي خالد الفيصل....والله يرحمه طلال الرشيد
لكن ارجع واقول القصيده بكلماته مومن كاتبه....


السؤال الرياضي :

وش تعني لكــ ها الكلمات :



النصر؟
قصه عشق ابديه...والله لو اقعد اتكلم عن النصر
ماتكفيه صفحه ولاصفحتين...وكل كلمه اشوفه قليله...بحق النصر...
فمااقدر من جد اوصف شعوري...بحب هالنادي....


الهلال؟
افضل عدم التعليق على الهلال!!!!

الدوري السعودي؟
من اشد المتابعين للدوري السعودي...وسعيده بعوده
النصر للمنافسه...وهذا اللي خلا الدوري...له نكهه خاصه...
ماحبيت الدوري السعودي العام...ابدا
ويخرب عليه ...الاخطاء التحكيميه...وخصوصا في مباريات الديربي....واللي صار
اغلب الاخبار والجرايد ماتتكلم الاعنهم...

الخوجلي؟

مكانك خالي يالخوجلي والله يوفقك..وين ماكنت...


طلال الرشيد؟


[COLOR="Red"]كل اللي اقدر اقوله..انه دايم يحضر التمارين مع اللاعبين...
ومتواجد مع الفريق ومايقصر ابد..لكن..اتمنى يضبط اعصابه في بعض التصاريح...[
/COLOR]



أرجوا أن يكون مروري خفيف المهم أنكــ تجاوبين يا المبدعة : (( غموض نجد ))

بالعكس مرورك خفيف يالتون
واستمتعت وانا اجاوب على اسئلتك
وعذرا...على الاختصارات بالاجوبه

[غموض نجد]

السلام عليكم ورحمة الله وبركاته
كيفك اختي غموض نجد
حبيت اسلم عليك
واقوللك يعطيك الف الف الف عافيه
على جهودك
وتستاااهلين كل خير
وكفايه اسئلتهم الله يعينك


وعليكم السلام ورحمه الله وبركاته


ياهلا والله وغلا بعهوده...
الله يسلمك يالغاليه..
وجعل الخير في دربك ان شاء الله
وكل التوفيق لك وللجميع

[غموض نجد]

سؤالي لأختي غموض

متى تمكن حب النصر من قلبك؟


اول شئ ياهلا والله فيك
اخوي عبدالله


صحيح انا احب الكيان بس...
لكن تمكن حب النصر في قلبي...من بعد شوفه
الهريفي....طبعا وانا صغيره:)

شكرا لك وبالتوفيق ياعبدالله

[غموض نجد]

السلام عليكم :eek::eek:
كيف حالك ياغموض وشلونك مع الاسئله والله اني رحمتك .. ماقول الا الله يعينك ولا يجدعنا :al82:على هالكرسي ان شاء الله .. شكلى داخل اواسي :al27:.. والسبب اني جاي أسأل بس يوم شفت الأسئلة اللي على راسك ..هونت وكسرتي خاطري :al59:.. لكن ماراح اطلع الا بكم سؤال خفافي:al9: :-
.
.
.
.
"اشرحي نظرية الرجل الطائر لإبن سينا"<< امــزح
.
.

1- تعرفين تطبخين الاكلات الشعبيه ؟ وماهي اكلتك المفضله من يداك ؟
.
.

2- افضل حلى قهوه تفضلينه وهل تحبين الكليجا والحنيني << مناسبة البرد

بــس خلصت مستحي :o، واذا عطيتيني الضوء الاخضر راح ارجــع عندي كم سؤال فضولي:cool: ؟



ههههههههههههههههه
حياك الله يانصراوي
وعقبالك ان شاء الله بالكرسي...

1- تعرفين تطبخين الاكلات الشعبيه ؟ وماهي اكلتك المفضله من يداك ؟
اعرف اسوي بس موكل شئ
رز ومكرونه اسويه ومااحب اكله وسليق بس من الاكلات الشعبيه
البيتزا اموت بالبيتزا وبطاطس مهروسه والمحشي اكثر شئ...

2- افضل حلى قهوه تفضلينه وهل تحبين الكليجا والحنيني
يمممممممممي يجنن اي حلى قهوه ..وش مايكون لو بسكوت و**ده اكلته احب الحلى
الكليجا لا مااحبه مع اننا قصمان ومشهورين فيه الا اني مااحبه بصراحه
لكن الحنيني...اكله عادي
افضل حلى قبل الاجازه اخذته من صديقتي ....تبي المقادير جاهزه يهبل وسهل بعد...
ثلاث طبقات وسميته حلى هيوف..بما اني اخذته منه...

لاتستحي ولاشئ عااااااااااادي..
وحياك الله بكل وقت:)

[غموض نجد]

8
8
8
8
8
نصراوي5599

وخر عن وجهي شوي ابي اسئل


السلام عليكم ورحمه الله وبركاته
كيفك ياغموض نجد
وكيف الكرسي معك؟؟

اعتذر عن التأخير>> ترا لو ماجيتي احسن!!

المهم ماابي اطول عليك لان اصلا الاعضاء خلصو علي كل الاسئله

اول شي/ عندك مدونه على الانترنت .. اذا ايه عطيني الرابط اذا لا ليش ماتسوين لك مدونه
بصراحه انا انصحك تسوين وتجمعين فيها كل خواطرك الي تكتبينها لنا هنا!!>> مجرد اقتراح
ثاني شي/ وش هي برامجك التلفزيونيه المفضله؟؟
ثالث شي/ متى اخر مره زرتي الرياض؟؟
رابع شي/ لو رحت للرس وش احسن الاماكن الي تنصحيني ازورها؟؟
خامس شي/ اغلبنا وبالصدفه يلتقي بأحد المشاهير وجه لوجه ؟؟ اذا حصل وقابلتي احد مين؟؟
اخر شي / اغلب البنات الي اقابلهم يهتمون بـ " الابراج " بشكل مو طبيعي رغم انهم يعرفون حكمها!!
السؤال وش برجتس خخخخخخخخخخ لالا وش رايك في الي يهتمون فيها؟؟؟؟؟؟؟؟؟؟

خلاص الى هنا ونكتفي وبالتوفيق لك:)


وعليكم السلام ورحمه اله وبركاته
اخباري يانصراوية حايسه وخايفه من المباراه والاختبارات
عادي وحياتس الله بكل وقت...وشوله تعتذرين يابعدي:)

اول شئ...والله ماعندي ولا اعرف اسوي مع انها فكره حلوه والله..واقتراح حلو

ثاني شئ...من زمان ماقعدت على التلفزيون ...ومااتابع شئ محدد لكن تقريبا اكثر شئ اوبرا دكتور فيل
هذا اللي اتذكره

ثالث شئ..برمضان اخر مره رحت للرياض..

رابع شئ للرس...خخخخخخ لايكون شهر العسل يانصراويه
انصحتس اول شئ تمرين على بيتنا...واذا كنتو عوايل..انتي واهلتس...روحو للمراجيح..
وللقريه السياحيه...وللقشيع...هذا جبل...وللرس مول مجمع صغير...نصراوية تعالي سوقنا والله يهبل
وبرج الشنانه...هذا تراثي...حلوانتي تعالي بس وابشري


خامس شئ... وانا صغيره...والله تشرفت وتحققت امنيتي بشوفه الامير عبدالرحمن بن سعود الله يرحمه..
في عنيزه..فيه مباراه..وفي فندق الواحه مع الفريق...وابوي وعمي..وواحد من لاعبين الحزم سابقا..
مااقدر اذكر اسمه...وفهد الهريفي..ابراهيم العيسى..اوهين كنيدي..ذاك الوقت مااتذكر الا هذولا..شفتي لاعبين النصر
اللي على وقت اوهين كنيدي وابراهيم العيسى هم...بعد
الممثل يوسف الجراح...في مجمع الراشد..
الممثل ابراهيم الجبر..مع زوجته..في البحرين
الممثل محمد الكنهل بعنيزه...
الممثلين ماقابلتهم شخصيا لكن شفتهم من بعيد طبعا...وانا كبيره

بالنسبه للابراج...من باب الفضول بصراحه ...رحت وحبيت اشوف وشو برجي..
من ناحيه الشخصيه بس ...وماكنت اقصد الحظ...او يوم السعد والاشياء هذي...

وبرجي مانيب قايلته خخخخخخخخخخخخ...
لكن اكيد ماانصح احد انه يشوفه ولايقراه لان بعض الناس..
يصدقون ويروحون يقرون الحظ ويصدقون على طول ويجيهم وسوسه وبعد غير كذا اكيد انه حرام ...كان من باب الفضول وحبيت اعرف
ولكن مارجعت ولا اهتميت مع ان اغلب الاشياء كانت صح في شخصيتي


يعطيتس العافيه وكل التوفيق لتس ان شاء الله

[كلى شوق]

الحمد لله لحقت على ضيفة الكرسي الغاليه على قلبي كثير غموض نجد ، كيفك ان شاء الله تمام وعسى ربي ان يكون الاعضاء ما تعبوك بالاسئله .

تسلمي وانا قريت الموضوع بالكامل وكانت اجاباتك تجنن من جد واما عن اسئلتي جميعها تم الرد عليها .
يســلمو .

[غموض نجد]

^
^
^
^
^
هههههههههههههه الله يعينتس يا غموض

حبيت أمر وأسلم بس ما عندي أسئله ( منب ملقوف ) <<< خخخخ أمزح

وأتمنى لك التوفيق أختي غموض نجد في مسيرتك المستقبليه

الله يحفظك ويرعاك



الله يسلمك اخوي بري
وماشاء الله مابقى لك اسئله
هههههههههههههههههههههههه

وكل التوفيق لك وللجميع ان شاء الله
وانت كذا بكل كرسي تمر وماتسأل
احد تخاف يحطونك بالكرسي!!!

[غموض نجد]

الحمد لله لحقت على ضيفة الكرسي الغاليه على قلبي كثير غموض نجد ، كيفك ان شاء الله تمام وعسى ربي ان يكون الاعضاء ما تعبوك بالاسئله .

تسلمي وانا قريت الموضوع بالكامل وكانت اجاباتك تجنن من جد واما عن اسئلتي جميعها تم الرد عليها .
يســلمو .



ياهلا فيك اختي كلي شوق
وياهلا برجعتك والله...
انا بخير وخايفه من مباراه اليوم ياكلي شوق...على اعصابي
وان شاء الله يفرحوننا بالفوز يارب
اسعدني تواجدك والله

وكل التوفيق لك يارب






اما اسئله فهد
رحت اكل حبه بندول وبجاوب على اسئلتك
ماالومك يوم تقولي البسي دروع
ههههههههههههههههههه
مانسيت الاسئله ترى

[فهد الثنيان]

هههههه

عارف اني في الطابور ياغموض
بس هاه نبغى جد كنك تكلمين ظميرك
والا ابشن هجمه خطافيه غير متوقعه خخخخ

[ELTON]

بالعكس مرورك خفيف يالتون
واستمتعت وانا اجاوب على اسئلتك
وعذرا...على الاختصارات بالاجوبه


لا والله أنا من الناس اللي يحب الإختصار

[جارة الوادي]

حبيبتي غموض نجد
وش معنى اسمك وسبب التسميه لنه عاجبني
وشمعة المنتدى حلو مرة تهدينه لي واحتفظ بالسبب حبيبتي
كم لك في المنتدى وكيف بديتي ومتى حسيتي أنه صار لك مكان في المنتدى ومن أكثر عضو تحبين تقرين له

[غموض نجد]

بسم الله وينتس ياغموض



نقول في البدايه ليه ياغموض الحين انتي ذاك اليوم قبل امس يومنك هنا تذكرين 00 هذا أول سؤال >> الحرب خدعه

ههههههههه امزح

---------

نبدأ طيب في الجد


* احم 0000 أبغى اعرف في البدايه خلافتك ومولدك وسيرتك الذاتيه في ثلاث حروف فقط تقدرين >> الأعجاز العلمي


* نظرتك للعام الجديد

* غموض نجد أهو أسم على مسمى أم مجرد إسم معرف ؟

* هل لكي أخا أو أختا لم تلده أمك ؟

* ماهو الشي الذي أتاكي ولم تبحثي عنه ؟

* ماهو أجمل يمو مر في حياتك ؟

* ماهو أسوأ يوم مر في حياتك ؟

* أماهو أكبر خطأ ارتكبتيه في حياتك ؟

* أمر فعلتيه وندمتي عليه ؟

* لمن تعطين أسرارك ؟

* ماهو الوجه القبيح للدنيا وماهو الوجه الحسن في نظرك ؟

* أكبر إنجاز حققتيه حتى الان ؟

* آخر مرة نزلت فيها دمعة غموض وماهو السبب ؟

* أسوأ ماتكرهين في الرجال وأجمل ماتحبين ؟

* من هو مثلك الأعلى ؟

* لمن تقولين :



( ماقصرت )

-------

( ستأتي بك الأيام وتتذكر )

-------------

( لاتحزن )

--------


( لاتفرح )

----------

( كفى )

---------------

وانا هنا اكتفيت من الأسئله وأعتبرك من أسرى الحرب ياغموض ان تهربتي من الأسئله 000 :al84:

بكيفك :al64:




ياهلا فيك والله يافهد

حست مخي قلت وش السالفه....الاسئله حلوووووووه مره عاد بصراحه

* نظرتك للعام الجديد

نظره تفائل...ان شاء الله بكل شئ....
وان شاء الله نلقى فيه كل خير...لنا وللجميع يارب


* غموض نجد أهو أسم على مسمى أم مجرد إسم معرف ؟

انا سئلتني ساره قبل..وقلت اللي قالو لي هالاسم...اللي حواليني...
مع اني مافيه اكثر من سواليفي...فهد انت تشوف غموض...غامضه ولا مب غامضه؟؟؟


* هل لكي أخا أو أختا لم تلده أمك ؟
ايه كثير والله لي...من ضمنهم صديقاتي 4 منهم...الاقرب لي
واخوان انتم...هنا بالمنتدى


* ماهو الشي الذي أتاكي ولم تبحثي عنه ؟
المرض....يعني ماودك انك تصير مريض وتمرض:)
هههههههههههههههههههه

لا امزح...اسئلتك صعبه يافهد...
بصراحه مااقدر احدد شئ معين


* ماهو أجمل يمو مر في حياتك ؟

مااقدر احدد يوم معين لكن فيه ايام كثيره اعتبرها سعيده
ماينفع تخليه اجمل 10 ايام بحياتك؟؟



* ماهو أسوأ يوم مر في حياتك ؟
وهذي بعد صعب اني احدده
لكن اعتبره الاسوا مرض امي
الله يشفيه ان شاء الله



* أماهو أكبر خطأ ارتكبتيه في حياتك ؟
مافيه انسان معصوم من الخطا...
لكن مافيه خطا كبير اقدر اقول عنه انه كبير
والحمدلله..



* أمر فعلتيه وندمتي عليه ؟
مافيه شئ ..اندم عليه كثير...لاني احسب خطواتي..والحمدلله الا تقصيري...احيانن تجاه اللي حواليني
واتمنى انهم يعذروني وخصوصا صديقات الثانوي والمتوسط




* لمن تعطين أسرارك ؟
لي انا...والله واكبر على الاسرار بس:)
ههههههههههههههههههه
لكن بنت خالتي الاقرب لي...بأني اتكلم معها




* ماهو الوجه القبيح للدنيا وماهو الوجه الحسن في نظرك ؟
الوجه القبيح للدنيا...كثره الحروب فيها,,ومايصيب اخواننا المسلمين..
تغيرت مبادئ بعض الناس مع الناس...

والوجه الحسن...من ضمنها وجود ناس طيبه تكون بقربك
وتختلف نظره الناس للدنيا ....



* أكبر إنجاز حققتيه حتى الان ؟
احس بفخر ..والحمدلله اني ساعدت عامله في مشغل على الاسلام...
اعتبره انجاز حلو وماراح انساه وسعادتي فيه كبيره...
يعتبر هذا اهمها ومن فتره قريبه...

* آخر مرة نزلت فيها دمعة غموض وماهو السبب ؟
وانا اجاوبك الحين مااتذكر بصراحه....لكن مااحب تنزل دموعي كثير لانه مافي شئ يستاهل


* أسوأ ماتكرهين في الرجال وأجمل ماتحبين ؟
اسوا شئ الكذب والخيانه والانانيه...
واحلاجمل...اهتمامه بعائلته التواضع وخفه الدم..والطيبه

* من هو مثلك الأعلى ؟
ابوي الله يخليه لي ان شاء الله وامي

( ماقصرت )
لابوي وامي..الله يخليهم لي

( ستأتي بك الأيام وتتذكر )
لاحدى صديقاتي ايام الثانوي


( لاتحزن )للجميع

( لاتفرح )
مافيه احد


( كفى )
لاي احد يحاول العبث بالاسلام والمسلمين....


اعتذر منك يافهد على تاخري بالاجابه..
واسفـــــــــــــــــــــ ـــــــــــــــــــــــــ ـــــــــــــــــــــــــ ــــه مره مره..
لاتزعل..

يعطيك العافيه ويوفقك ربي ان شاء الله

[فهد الثنيان]

غموض نجد اول شي نقول الله يوفقك في اختباراتك 00 وإن شاء الله كذا تفرحينا

-------------

ههههههه

منتي سهله روظتي الأسئله سلام سلام


من ناحية هل أجد غموض غامضه أم لا 000 أقول لآ وهذه وجهة نظري

بل على العكس منتهى الوضوح والشفافيه

وكل مواضيعها ومداخلاتها مابين المفيد والرائع والمسلي

والكل يسر بدخولها متصفحه هذا هو الأمر ببساطه

[غموض نجد]

حبيبتي غموض نجد
وش معنى اسمك وسبب التسميه لنه عاجبني
وشمعة المنتدى حلو مرة تهدينه لي واحتفظ بالسبب حبيبتي
كم لك في المنتدى وكيف بديتي ومتى حسيتي أنه صار لك مكان في المنتدى ومن أكثر عضو تحبين تقرين له


ياهلا والله فيك جاره الوادي..وبتواجدك...
غموض من الغموض نفسه....قايله مااعرف اوصل معلومه ومااحد صدقني
ههههههههههههههه
نجد...يعني نجد...مدينه...

الله يسلمك لانه عاجبك.....
والله شمعه المنتدى لقب غالي علي والله ...واهديه لك؟؟؟
ينفع يكون فيه شمعتين للمنتدى...:)

لي في المنتدى...تقريبا 5 اشهر او 6 اشهر....
الحمدلله من بعد ماسجلت بفتره اكيد موعلى طول...
بفضل الله ثم بفضل تشجيع اللي حواليني...
حسيت اكثر بمكانتي...

احب اقرا لكل موضوع حلو....بشكل عام...
واذا كتاب في مجال الرياضه
يالغاليه جاوبت عليه

اشكر تواجدك وتسلمين...
بالتوفيق لك

[غموض نجد]

غموض نجد اول شي نقول الله يوفقك في اختباراتك 00 وإن شاء الله كذا تفرحينا

-------------

ههههههه

منتي سهله روظتي الأسئله سلام سلام


من ناحية هل أجد غموض غامضه أم لا 000 أقول لآ وهذه وجهة نظري

بل على العكس منتهى الوضوح والشفافيه

وكل مواضيعها ومداخلاتها مابين المفيد والرائع والمسلي

والكل يسر بدخولها متصفحه هذا هو الأمر ببساطه




هههههههههههههه
كيف اعجبتك الردود يعني...:)

يعطيك العافيه...يافهد وختامها مسك....

والحين ان يافهد كنت اخر واحد ارد عليه....
وبنهايه السنه وبدايه السنه الجديده...
اتمنى للجميع التوفيق...وانه يتحقق اللي في بالهم....

وكل الشكر لمن تواجدو عبر هذه الصفحات....
واقول يعطيكم العافيه وسعدت بتواجدي...
على الكرسي والله هو شئ خصوصا انه مختاره سعد بدقه
الله يعافيه...مريح ...وفله

والصلاه والسلام على اشرف الانبياء
والمرسلين سيدنا محمد وعلى اله وصحبه اجمعين

[حالمه ببطوله]

أهلا بالغاليه غموض
ويييييييييين جوابك على اسألتي لي أيااااام أنتظر وأبحث
بس مالقيت
مابغيت أسأل أخاف أشغلك وضليت أنتظر
بس خفت أنك تنسين

بليز طبعا لأنك غاليه وتهميني سألتك
وعلى راحتك لو كنتي مشغوله
بس حبيت أذكرك فقط


والله أحبك يالغاليه ....

[غموض نجد]

هلا بحالمه......

وش دعوى يالغلا..
مجاوبه على اسئلتك والله انك خوفتين وشكيت...
الاجوبه شوفيها بالصفحه الخامسه
وش دعوى انساك وانسى اسئلتك...يالغاليه

[حالمه ببطوله]

أوووووووووووو
آسسسسسسسسسسسسسسسسسسسفه مره مره مره
غرييييييييييييييبه مستحيل أنا أنتظر مره وأفتح هالصفحه كل يوم
والله أنا الحين مستغربه !!
المهم أللللللف مليون شكر يالغاليه
على أجوبتك صراحه مره كان يهمني رأيك
ويعطيك العافيه على اللي قدمتيه

والله يوفقك في امتحاناتك ويسهل عليك
وننتظر عودتك بفااااارغ الصبر

مره ثانيه آسفه والله
بس الظاهر مع الحماس وشدة الانتظار ماشفت هههههه
ياحبي لك

ألف شكر ..

[غموض نجد]

أوووووووووووو
آسسسسسسسسسسسسسسسسسسسفه مره مره مره
غرييييييييييييييبه مستحيل أنا أنتظر مره وأفتح هالصفحه كل يوم
والله أنا الحين مستغربه !!
المهم أللللللف مليون شكر يالغاليه
على أجوبتك صراحه مره كان يهمني رأيك
ويعطيك العافيه على اللي قدمتيه

والله يوفقك في امتحاناتك ويسهل عليك
وننتظر عودتك بفااااارغ الصبر

مره ثانيه آسفه والله
بس الظاهر مع الحماس وشدة الانتظار ماشفت هههههه
ياحبي لك

ألف شكر ..

هههههههههههههههههه
ههههههههههههههههههههههههه ههههه
وش دعوى يالغاليه شككتين بنفسي قلت انا متاكده اني مجاوبه..
واهم شئ لقيتيهم وقريت الاجوبه
وتأكدي مستحيل انسى اسئلتك
بالتوفيق يالغلا
واللهم امين يوفقني ويوفق الجميع يارب