كرسي الاعتراف ( This Is ME )

[سعد الحارق]

السلام عليكم

في موضوع سابق لكرسي الاعتراف ( قبل 4 اسابيع)

تمت استضافة كل من ( نصراويه , زولا , فيرون النصر )

http://forums.al3almi.net/showthread.php?t=60950

والان نعود من جديد وبحله جديده

http://3fra.net/up/uploads/aaee2f8f75.jpg (http://3fra.net/up/)

وطبعاً تم ذكر الشروط في الموضوع السابق

وضحيتنا هو {الاستاذ عبد العزيز} This Is ME

حياك الله معنا اخوي عبد العزيز

ونشكرك على تلبيت الدعوه

ان شاء الله نكون ضيوف ثقال عليك ( بالاسئله )

وان شاء الله نعرف كل شئ عن عبد العزيز

والان لكم الكلمه اريد منكم له 100 سوال من كل عضو

مع التحيه

الحارق

[القائد رائد]

بسم الله الرحمن الرحيم

في البداية نشكر لكم حسن الإختيار

فأخانا عبد العزيز واحد من ألمع الأعضاء في المنتدى "ولايهينون الربع"

أما عن الأسئلة فهي على النحو التالي :

أين تجد منتدانا من الشبكة العنكبوتية ؟

من هم الأعضاء الذين استفاد المنتدى منهم ؟

أين تجد نفسك من واقعنا الحالي ؟

ما هي المقولة التي دائما ترددها على لسانك ؟

من أقرب شخص إليك ؟

كلمة توجهها إلى إخوانك الأعضاء ؟

تقبل مني هذه التساؤولات

أخوك / القائد رائد

[غريب الديره]

أول مرررره أجي بدري في هيك مواضيع

المووووووهم عندي كم شطحة أبي أشطحك فيها

وش هو البيت الشعري اللي دايم يستهويك <<<<<< مدري طريقة السوآل وصيغته صح :confused:

تتوقع يبون يزيدونا 30 مدري 40 % على الراتب وللا أشتري صابون وأغسل يدي:confused:

وش معنى اسمك ( قسم إني أموت أعرف وش معنى ( إز ) مدري ( إس ) ؟؟!!

برضوا أموت أعرف ليش العالم قاعده تتبرع لـ دول العالم ( لبنان و بنقلادش :al82: ) مع إن فيه ناس لحد الحين بالسعودية عايشين بصنادق واللي مو مصدق يطلع الجنوب وللا يروح مدينة ( ثول ) اللي بجنب رابغ

ما تلاحظون إن كل سؤأل له شطحه غير خويه السؤآل الثاني :eek:

بس خلاص


:)

[نصراوي 5599]

هلا وسهلا .. بــ حبيب الكل مستر عزوز ... اولاً تلاحظ انهم حطو لك اريكه مو كرسي ... وطبعاً الاريكه تستخدم عاده .. لدا العيادات النفسيه .. يعني يروح المريض وينسدح على الاريكه ويبربر على الدكتور .. واذا انتهي من البربره يقول له الدكتور مع السلامه الوعد الاسبوع الجاي تكمل بربرتك ... يعني وش رايك تختصر علينا وتعطينا سواليفك كلها :):).. .. لي رجعه للموضوع الموهم ولي برضه اسئله موهمه...
الحارق والله ما اقول الا الله يعطيك العافيه على ضيفك المميز عبدالعزيز

[This Is ME]

السلام عليكم ورحمة الله وبركاته


أشكركم أيها الغالين وأقولها والله شاهد على ماأقول إنكم في هذا المنتدى إخوان وأكثر من ذلك


وأشكر أخوي سعد على الإستضافه الأسبوعيه والتي أوصى بها أخوي (فيرون النصر)

وأحرجنا أيما إحراج :al3:

ولكن في سابق الإعترافات وجدت أنها تقربنا اكثر من بعضنا..

وتفيدنا من إكتساب الخبرات وتبادلها فيما بيننا.. وأنا والله إستفدت الكثير من إخواني

الذين سبقوني فجزاهم الله كل خير وأتمنى من الله ان يعينني على هذا الكرسي وأكون

على قولتهم ( ضيفا خفيفا)<< من الحين يسرق أجل وش بيصير في آخره:D


الأستاذ سعد الحارق : أخبرته بأن فيني نفاضتين نفاضة برد ونفاضة أسئلتكم

والله يعافيه ماقصر جابلي حطيبات وليتني شوي :D

عافاك الله ياسعد الحارق

بسم الله ببدأ بالقائد رائد مفتتح الأسئله

بس في رد ثاني :)

[نايف 2000]

ماعندي اسئله مهمه لكن احب اني اقوول انه من الاعضاء المتميززين وشكراا له على كل ماقدمه في المنتدى

[باشتورك]

هلا وغلا بعزوز يا ويلك راح أجيب لك أسئلة من اللي ما أدري وش لون شكلها بس صبرك علي:al67::al67::al67:

[>> نصراويه<<]

اهلا بضيفنا الغالي ههههههههه
والله بينبسط فيصل مررررره على هالاختيار
بروح وارجع بالاسئله!!

[فيصل 99]

^^
من جد بنبسط وبقوووة بعد

تدري يا عزووز اني طلعت اسئله من مخيخات مخي وسئلة سعد الحارق في منتدى ثاني ومالي خلق احفر مخي وادوورك لك اسئله فـ بزرف اسئلتي وبسألك وجواب على سؤال سؤال << باللهي؟

نبداا

_ وش تصنف نفسك من بين الشاب السعودي (محترم , جحلوط , خكري )؟؟؟

_ هوايااتك المفضله ؟؟


3_ صفات تكرهها بالناااس ؟؟


4_ مووقف حسيت فيه انك غبي او مالك داعي ؟؟ (ولا تقولي ما اذكر ) هع


5_ اخر ثلاث فواتير لجوالك؟؟


6_ نسبتك الترم الاول ؟؟


7_ شي تحبه مدمن عليه لازم كل يووم تشربه او تشربه بالاسبووع خمس مرات يعني شي كثير هذا وشسمه هذاك؟ لاتقول حمضيات هع

س1 ) جـاوب ب ( صح ) أوو ( غلـط ) مع تصحيـح الغلط :

عزووز إنسـان عـاطفـي ( ) <<<<< هعععععع إختبارات قبوول مدري إختبارات قيادهـ

عزووز يحب هيفاا وهبي ( )

2 + 3 = 14 ( )

__________


أسئلـة عـامه ..

3) لو قـالولووكـ تـزوج وحدهـ من أعضاء المنتدى من بتختـار <<<<< هع برااااا


4) أغنيـة تخششكـ جوووو ؟؟ وأفضـل فنـان ؟ و أفضل فنـانه ؟

5) كـم مررهـ سويت شي تندم عليـه ووش هـو ؟؟

6) كم مررهـ تطلقت ؟؟ <<< هععععععع

7) وش تخصصكـ في الجـامعـه ؟؟

========================= ==


عضو/ عضوة اذا دخل موضوعك قلت بقلبك يا لله سترك:
عضو / عضوة تحس إن روحه رياضيه وماتمل منه :
عضو / عضوة مُلفت الأنظار بشخصيته الهادئة :
عضو / عضوة من ردوده طيب وعلى نياتة:
عضو / عضوة توقيعه داخل مزاجك :
عضو / عضوة دمه خفيف :
عضو / عضوة تتمناه بكل مواضيعك :
عضو / عضوة يستاهل منك بوكيه ورد :
عضو / عضوة عزيز نفس :
عضو / عضوة مثقف :
عضو / عضوة مبدع :
عضو / عضوة تحطه عالجرح يبرى :
عضو / عضوة تحب تقرا له مو شرط تعقّب على مقالاته :
عضو / عضوة تحس انه حزين :
عضو / عضوة تحب تعزمه على العشاء :
عضو / عضوة منسم :
عضو / عضوة أفكاره متجددة :
عضو / عضوة غيابه يزعجك :
عضو / عضوة تمناه قريب منك :
عضو / عضوة تعجبك أشعاره :
عضو / عضوة تشتاق لكتاباته :
عضو / عضوة إذا شفت اسمه بين المتواجدين حاليا فز قلبك :
عضو / عضوة غيابه كثير :
عضو / عضوة ودك تقول له المنتدى ماله غناة عنك :
عضو / عضوة ودك تقول له أنا معجب بشخصيتك :
عضو / عضوة ينفعل بسرعة :
عضو / عضوة ما يهزه ريح :
عضو / عضوة تشعر بطيب معدنه :
عضو / عضوة ودك تقابله :
عضو / عضوة محترم وانت تحترمه:

=========================

اكمل؟؟

بكمل ومنب مستأذن منك بس هالمره شووي

اختر الاجابه الصحيحه :

كيف حالك ؟؟
1) حمدلله 2) يرحمك اللهـ 3) يهديكم الله 4)يارب تفكني من هالادمي 5) غير ذلك واذكره



لو شفت بنت قداامك وعجبتك لاي سبب :

1_ بترقمها
2_ بتقووول واااو والله لحمه وترقمها
3_ بتوقف جمبها وتحاول تلحقها وترقمها
4 بتقوول والله وااااو وتلحقها بس ما ترقمها <<<اخيرا اجابه ما فيها ترقيم

اكيد تشووف افلام

كوميديه_ رومنسيه _ دارما_ اكشن _ رعب _ تاريخي _حرب

رتب هذي الافلام حسب النووع اللي تحبه تصااعديا ( اولنووع اكثر نوع تحبه)


هل تعتبر نفسك :

وسيم _عادي _قبيح



متى اخر مره قريت قرآن ؟

الحين _ تو _ قبل شوي


وش وضعك يوم انك في الاجازه
1)بسط وهز وسط ___ 2)تدرس صيفي ___ 3)داج ___ 4)غير ذلك واذكرهـ


وش سويت اليوم اول ماصحيت من النوم
1)نهضت من نومك ___ 2)صحيت من النوم ___ 3)استيقظت من النوم ___ 4)للحين نايم


هل تحب هيفاء بنت وهب :p
1)لا ___ 2)كلا ___ 3)ابدا ___ 4)غير ذلك مع الذكر


مين اكتر واحد بتحبووو؟؟؟
1)فيصل 2)فصولي ___ 3)برضو فيصل ___ 4) غير ذلك واذكرهـ

[This Is ME]

في البداية نشكر لكم حسن الإختيار

فأخانا عبد العزيز واحد من ألمع الأعضاء في المنتدى "ولايهينون الربع"

حياك الله استاذي القائد رائد وماذكرته من حسن ذاتك بارك الله فيك

أين تجد منتدانا من الشبكة العنكبوتية ؟

أنا جديد على الشبكه العنكبوتيه ولكن من خلال تصفحي

أجد أن فيه أفذاذ وإجتمع مع هذا خلقهم الرفيع

وتوافقهم على محاولة الوصول للصواب

من هم الأعضاء الذين استفاد المنتدى منهم ؟

يعلم الله أنهم كثير في هذا المنتدى بل الغالبيه أرى انهم يحاولون ان يفيدوا ويستفيدوا بارك الله فيهم

أين تجد نفسك من واقعنا الحالي ؟

سؤال آلمني لأني أرى أني مهما حاولت فسابقى مقصر

ولكن وصلت الرساله التي تريد إيصالها وسيبقى السؤال يطرق فكري اسأل الله لنا ولك السداد


ما هي المقولة التي دائما ترددها على لسانك ؟

عامل الناس كما تحب أن يعاملوك

من أقرب شخص إليك ؟

أخوي اللي بعدي

كلمة توجهها إلى إخوانك الأعضاء ؟

محاولة إسداء النصح لبعضنا البعض لأن المسلم مرآة أخيه المسلم

فإن لم نوجه إخواننا للصواب الدنيوي والأخروي سيبقى معلق بنا إلى ان تلقى الله ونسائل عنه

ومافائدة التجمع إلا لتدارك الاخطاء فيما بيننا وتصحيحها ليعم النفع


تقبل مني هذه التساؤولات

أخوك / القائد رائد

بارك الله فيك أستاذي واتمنى ان لاتحرمنا تواجدك بيننا

وأتمنى أن أكون قد أوفيت أسألتك حقها أيها الغالي

[This Is ME]

السلام عليكم وحمة الله وبركاته

حياالله غريبنا

نبدا معك بإسم الله:)

المووووووهم عندي كم شطحة أبي أشطحك فيها

إشطح الله يخليلنا شطحاتك ياأبو حميد

وش هو البيت الشعري اللي دايم يستهويك <<<<<< مدري طريقة السوآل وصيغته صح
هذا وانا اخوك منخنخ في راسي وإذا قلته يخليني اتنفس بعمق وأقول إيييييه والله

روح سو اللي تبيه..!!

قول ((أيه)) لكل ((لا))

قول(( لا)) لكل ((أيه)).

بس ثلاثه.. صنهن وخلك نبيه

الكرامه.. دينك ..وخل نزيه..

وبالفصحى أردد

إلهي لاتعذبني فإني ... مقر بالذي قد كان مني


وش معنى اسمك ( قسم إني أموت أعرف وش معنى ( إز ) مدري ( إس ) ؟؟!!

شف وأنا أخوك إنا السعوديين مانبغى نكتب إنجليزي وانا اولهم

ومانبي نكتب (This Is ME) نقوم نكتب الكلمه الإنجليزيه بحروف عربيه والمفروض

نكتب معناها (هذا أنا) بس هم يكتبون (ذس إز مي )و(إز)(Is) معناها لو أخذناها لوحدها معناها (أكون )

والله ماهقيت تفهم خنبقتي بس خذها من قاصرها وسمني عبد العزيز أريح لك :D



برضوا أموت أعرف ليش العالم قاعده تتبرع لـ دول العالم ( لبنان و بنقلادش ) مع إن فيه ناس لحد الحين بالسعودية عايشين بصنادق واللي مو مصدق يطلع الجنوب وللا يروح مدينة ( ثول ) اللي بجنب رابغ

أروع مافي هالمنتدى إن غالبيتنا تفكيرنا واحد والله نفس السؤال يتبادر لذهني:confused:

ومع إن الحل سهل وبإمكانهم محاربة الفقر بسهوله والشعب والله مايقصر لو ياخذون من كل

فرد في السعوديهم ماراح اقول خمسه أو عشره أبد ريال واحد فقط لمعالجة الفقر شهريا( صدقه ودفاعة بلا )<< دعوة شياب

مع الدوله راح تنحل المشكله بإذن الله والأقربون أولى بالمعروف وإذا خلصنا من مشكلتهم الله

يقوي الجميع على الخير ولكن تبقى الإجابه في علم الغيب؟؟


ما تلاحظون إن كل سؤأل له شطحه غير خويه السؤآل الثاني

بس خلاص

تسلم يالغالي على الأسئله الخفيفه بخفة مرورك وروعته

[نصراوي 5599]

رجعت لك ... يالله الهادي استلم مني كم سؤال عربون صداقه يالعمده :-

عندك كم اخ وترتيبك لو سمحت ؟
أكثر بلد تسافر له :al39:و احلى مكان تحب تروح له ؟ و ليش ..؟
عرفنا عن مؤهلاتك وطموحك في الحياة ؟
موقف شفته امامك و قطع قلبك :al22:<< عارفك مرفه الاحساس
هل تسيطر عليك في معظم الاحيان افكار غريبه وعدائيه :al42: ؟
ماهي التجربه اللي تتمني تكررها في حياتك ان وجدت؟
ماهي اكلتك المفضلة ؟ وهل تفضل اكل الدجاج المندي ام المضبي ؟:D
هل تفكر بالزواج قريبا ؟:o

ما رايك في الاسئله التي قدمتها لك ... هل ازعجتك او العكس ؟:al74:



ملحوظة هامة يا اخونا الغالي ابو سعود : ممنوع الاجابات الدبلوماسية !!
وفقكم الله

[This Is ME]

نصراوي 5599

حياك الله وبياك


هلا وسهلا .. بــ حبيب الكل مستر عزوز

المهلي مايولي يالغالي تسلم

... اولاً تلاحظ انهم حطو لك اريكه مو كرسي ... وطبعاً الاريكه تستخدم عاده .. لدا العيادات النفسيه .. يعني يروح المريض وينسدح على الاريكه ويبربر على الدكتور .. واذا انتهي من البربره يقول له الدكتور مع السلامه الوعد الاسبوع الجاي تكمل بربرتك ...

والله يانصراوي 5599 لوعندي هالأريكه صدق وفي هالشتاء والله ماعتب مع الباب و24×24ساعه

:al63: أصلا ساعه وأنا جالس أطالعها أجل لو إنها صدق عندي:al82:


يعني وش رايك تختصر علينا وتعطينا سواليفك كلها

أبد أببربر عليكم بس تكتفون بالبربره وتسون الاسئله:D


.. .. لي رجعه للموضوع الموهم ولي برضه اسئله موهمه...
الحارق والله ما اقول الا الله يعطيك العافيه على ضيفك المميز عبدالعزيز

حياك الله الغالي وأنا في إنتظارك

[This Is ME]

ن ن ن

حياك الله أخوي وأهلا بك في المنتدى وخارج المنتدى:)


ماعندي اسئله مهمه لكن احب اني اقوول انه من الاعضاء المتميززين وشكراا له على كل ماقدمه في المنتدى

طلتك ومرورك تعادل الأسئله فتقبل شكري وتقديري لمرورك الجميل ثنائك الأجمل

[فيصل 99]

عزووووووووووووووز اقووول ورى ماتجاوب على اسئلتي ؟؟ << لانها شوويه مرره

[روح نصراويه]

إذا أدلهم خطب النصر..وبات الجميع محتاج إلى مرسى ..فابحث في
مداديات حروفه ..فهي أمان لكل المنتدى إنه
فخري وأستاذي (( مـــداد 10))
........موضوع جدا جميل .الحارق

[This Is ME]

هلا وغلا بعزوز يا ويلك راح أجيب لك أسئلة من اللي ما أدري وش لون شكلها بس صبرك علي:al67::al67::al67:

هلابك يابعدي

أنا في الإنتظار وبس تارني الحين ماأسوي كذا:al113:

[This Is ME]

اهلا بضيفنا الغالي ههههههههه
والله بينبسط فيصل مررررره على هالاختيار
بروح وارجع بالاسئله!!

هههههههههههههههههه

إنتي شفتي إمبسط وأيما إنبساط:al82:

روحي عاد إنتي ماتنتوصين خلني ساكت ابرك:(

[This Is ME]

فصيل جعل عيون بليس تفصل:eek: وشذا:mad:

هذي مهوب ميه سؤال هذي ستمية سؤال:al82:

يالله الله يعيني الشكوى لله تبقى فصول ومانردلك سؤال:(

بسم الله





^^
من جد بنبسط وبقوووة بعد

صدق عاد أجل منبسط :mad: تراني اول مثلك بس أثر الدنيا دواره وهذه جت على قمة راسي

تدري يا عزووز اني طلعت اسئله من مخيخات مخي وسئلة سعد الحارق في منتدى ثاني ومالي خلق احفر مخي وادوورك لك اسئله فـ بزرف اسئلتي وبسألك وجواب على سؤال سؤال << باللهي؟

جعل مخيخك مانيب قايله:cool:

نبداا

_ وش تصنف نفسك من بين الشاب السعودي (محترم , جحلوط , خكري )؟؟؟

إنت تبيني أكتب جحلوط يافصيل يالله جحلوط مع إني أقولها ومادري وش المعنى الإصطلاحي لها:confused:

بس يالله وأحيانا أصير بين هذا وذاك يعني تقدر تقول ( محترملوط ):p

بس خايس سؤالك مايصلح الواحد يقيم نفسه بس عشانك جاوبت

_ هوايااتك المفضله ؟؟

بلاي ستيشن وكورة طائره

3_ صفات تكرهها بالناااس ؟؟

الغرور والكبر ياني ماأواطنها ولاأواطن راعيها في عيشة ربي



4_ مووقف حسيت فيه انك غبي او مالك داعي ؟؟ (ولا تقولي ما اذكر ) هع

يوم رحت للجامعه ومكشخ بنعال الحمام الله يعزكم :D

5_ اخر ثلاث فواتير لجوالك؟؟

كلها 600 وشوي بس مجموع أربع شهور

6_ نسبتك الترم الاول ؟؟

والله ماأذكر هماني تخرجت بس :al1:

7_ شي تحبه مدمن عليه لازم كل يووم تشربه او تشربه بالاسبووع خمس مرات يعني شي كثير هذا وشسمه هذاك؟ لاتقول حمضيات هع

وش غير القهوه المزعفره وإنت الصادق خمس مرات في اليوم وبعد يمكن اكثر يعني مهوب حمضيات هع

س1 ) جـاوب ب ( صح ) أوو ( غلـط ) مع تصحيـح الغلط :

ياربيه حلني بطني قسمن كأنه إختبار والله يصبرني عليك يالله نكمل

عزووز إنسـان عـاطفـي (صح ) <<<<< هعععععع إختبارات قبوول مدري إختبارات قيادهـ

عزووز يحب هيفاا وهبي (خطا ) ولاتناظر الناس بعين طبعك يافصيل;)

2 + 3 = 14 ( صح):cool:

__________


أسئلـة عـامه ..

3) لو قـالولووكـ تـزوج وحدهـ من أعضاء المنتدى من بتختـار <<<<< هع برااااا

برااااا:D

4) أغنيـة تخششكـ جوووو ؟؟ وأفضـل فنـان ؟ و أفضل فنـانه ؟

الحمد لله منذ زمن ونحن لم نسمع لا فنان:al50: ولافنانه:al41: والله يهدي الجميع

5) كـم مررهـ سويت شي تندم عليـه ووش هـو ؟؟

كل مرة أحس إني زعلت فيها أحد

6) كم مررهـ تطلقت ؟؟ <<< هععععععع

:al70:

7) وش تخصصكـ في الجـامعـه ؟؟

ترجمه ولغات

========================= ==


عضو/ عضوة اذا دخل موضوعك قلت بقلبك يا لله سترك:

أي احد فيه روح وهيام وريحة سيف النصر:cool:

عضو / عضوة تحس إن روحه رياضيه وماتمل منه :

فيصل99 و>> نصراويه<<

عضو / عضوة مُلفت الأنظار بشخصيته الهادئة :

فيرون النصر كاكا :)

عضو / عضوة من ردوده طيب وعلى نياتة:

أنا كلي نصر ومليباري عهد النصر

عضو / عضوة توقيعه داخل مزاجك : أوه ياكثرهم بس( زولا 35أبو عابد )وغريب الديره وفيرون
ونصراوي5599 وفيصل 99-وفهد الثنيان والشريف 11-11 ورعد الرياض وباشتورك وسوبر والله كثييير
تقريبا كل أعضاء المنتدى العام والله يدخلون المزاج غصب لأنك تحس إنهم إخوان وخوات من جد


عضو / عضوة دمه خفيف : فيصل 99 ونصراويه وفهد الثنيان


عضو / عضوة تتمناه بكل مواضيعك : هين هذا كل الاعضاء بدون إستثناء


عضو / عضوة يستاهل منك بوكيه ورد :(غريب الديره )(ورعد الرياض) والله المنتدى يفقد الكثير بدونهم
وميكاسا

عضو / عضوة عزيز نفس : كل اللي في المنتدى ألاحظ فيهم عزة النفس وبقوه

عضو / عضوة مثقف : الشايب - والفجر البعيد - والقائد رائد - فارس الكلمه
عضو / عضوة مبدع : سوبر ستار - باشتورك - سعد الحارق - غموض نجد
عضو / عضوة تحطه عالجرح يبرى : الفجر البعيد - ومداد 10 الله يرجعه - والشايب وغريب الديره وميكاسا

وزولا - وفيرون
عضو / عضوة تحب تقرا له مو شرط تعقّب على مقالاته : أنا إذا قرأت لازم أعقب وهذا حقه علي
وأنا تقريبا كل مواضيع أخواني اللي في النتدى العام لازم أقرأ لهم كلهم يعني لهم معزه وإهتمام خاص

عضو / عضوة تحس انه حزين : القائد رائد ومليباري وسوبر ستار مع إنه نشيط سوبر بس أحس إنه حزين
إنت صدق حزين ياسوبر او أنا أتوهم:(

عضو / عضوة تحب تعزمه على العشاء : غريب والله يستاهل ذبايح على صبره علينا وإنتو الله يحييكم عليها

ياااااااااااااااااااااااا ااااربيه تعبت الله يقطع بليسك ساعه وانا افكر واكتب :al37:

عضو / عضوة منسم : انت الله يرجك:al01: ونصراويه :al58:
عضو / عضوة أفكاره متجددة : باشتورك وسوبر وسعد الحارق وفهد الثنيان ورعد الرياض
عضو / عضوة غيابه يزعجك : ***وكم نفر نفر والله احس كأني فاقد واحد من عيالي مهوب بس خواني
وماغير اصوت وانادي على كل واحد مفقود:al96:
عضو / عضوة تمناه قريب منك :الفجر البعيد ومداد10
عضو / عضوة تعجبك أشعاره :سوبر ستار وهذا اللي كاتبه غريب تحت توقيعه:D
عضو / عضوة تشتاق لكتاباته :الفجر والشايب وزولا وفيرون ونصراوي 5599 وع قلتها إلا إنها تعجبني
وفارس الكلمه ومداد 10 ياني فاقدها ونصراويه وغموض نجد والع الميه وباشتورك وسوبر وسعد الحارق
إلاسعد وراماعاد كتبت:mad:
عضو / عضوة إذا شفت اسمه بين المتواجدين حاليا فز قلبك : الفجر البعيد ومداد10وجمر

عضو / عضوة غيابه كثير :إنت تجي وتروح وسعد الحارق وسوبر ستار وأنا كلي نصر تجي وتروح هالأيام نصراويه ومشرفنا مدري وين غط الشريف 11-11
عضو / عضوة ودك تقول له المنتدى ماله غناة عنك : كلكم الله لايحرمنا منكم
عضو / عضوة ودك تقول له أنا معجب بشخصيتك :الفجر البعيد ومداد و فيرون النصر وغريب الديره وزولا
عضو / عضوة ينفعل بسرعة : فيصل 99:D
عضو / عضوة ما يهزه ريح : أبو الخل مهوب بس ريح إلامايهزه دنميت:D
عضو / عضوة تشعر بطيب معدنه : الشريف 11-11 وأعضاء منتداه نفرو نفره والله كلهم على قولتك
ينحطون على الجرح يبرى
عضو / عضوة ودك تقابله : فيرون أبي أشوف هو يشبه كاكا لأن كل ماأشوف كاكا في الجريده والله
أسميه فيرون يعني زورنا شخصية الضعيف كاكا وقلبنا إسمه كله بسبب فيرون النصر:D
عضو / عضوة محترم وانت تحترمه:الجميع وأظن إن شاء الله إنكم ملاحظين هالشي بينا


=========================

:al37:



:al37:




:al37:

اكمل؟؟

بكمل ومنب مستأذن منك بس هالمره شووي

ماأقول إلا الله يخلص هالأسئله على خير:al66: وعلى فكره من الحين أنا ماعندي إلاقناة أم ورده على قولتك

وهذي تشفر الفناناة وانا الله يحييك مثلها يعني مااشوف مسلسلات ولاأفلام ولاأسمع اغاني

واي سؤال فيه بنت ابن تراب او شى محذوف من قاموسي بأكتب مشفر:D

اختر الاجابه الصحيحه :

كيف حالك ؟؟
1) حمدلله 2) يرحمك اللهـ 3) يهديكم الله 4)يارب تفكني من هالادمي 5) غير ذلك واذكره

في حاله يرثى لها مع هالأسئله:al82:

لو شفت بنت قداامك وعجبتك لاي سبب :

1_ بترقمها
2_ بتقووول واااو والله لحمه وترقمها
3_ بتوقف جمبها وتحاول تلحقها وترقمها
4 بتقوول والله وااااو وتلحقها بس ما ترقمها <<<اخيرا اجابه ما فيها ترقيم

مشفر:D


اكيد تشووف افلام

كوميديه_ رومنسيه _ دارما_ اكشن _ رعب _ تاريخي _حرب

مشفر:D

رتب هذي الافلام حسب النووع اللي تحبه تصااعديا ( اولنووع اكثر نوع تحبه)


مشفر:D



هل تعتبر نفسك :

وسيم _عادي _قبيح

قمة الوسامه أملح من الملح واحلى من الحلى :al59:



متى اخر مره قريت قرآن ؟
هذي بيني وبين ربي وعسى ربي يقبله بعد:(

الحين _ تو _ قبل شوي


وش وضعك يوم انك في الاجازه
1)بسط وهز وسط ___ 2)تدرس صيفي ___ 3)داج ___ 4)غير ذلك واذكرهـ

غير ذلك :al106::al63:




وش سويت اليوم اول ماصحيت من النوم
1)نهضت من نومك ___ 2)صحيت من النوم ___ 3)استيقظت من النوم ___ 4)للحين نايم

4)للحين نايم

هل تحب هيفاء بنت وهب :p
1)لا ___ 2)كلا ___ 3)ابدا ___ 4)غير ذلك مع الذكر

مشفر :D
مين اكتر واحد بتحبووو؟؟؟
1)فيصل 2)فصولي ___ 3)برضو فيصل ___ 4) غير ذلك واذكرهـ

بعد هالأسئله اقول وبكل عنف وإصرار 4) غير ذلك واذكرهـ

بروح أنوم عقب هالأسئله :al51:


طلعت كلها بلون واحد بكيفه مليت واناالون

تكسرت يدي

هماني خلصت منها كيفك إنت فرق بين السؤال والإجابه

تسلم يالغالي فيصل

[سعد الحارق]

السلام عليكم

الحين جيت بين اديني هع

يالله نبدأ على بكرة الله

سـ1 \ البطاقه الشخصيه او الرخصه او( الاقامه ) امزح في الاخيره المهم جاوب ؟

س2 \ في احد ردودك ذكرت بأنك معلم ( ما هو تخصصك ؟\ وما هي المديره التي انت موظف فيها ؟)

س3 \ لماذا عبد العزيز ليس له وقت محدد لدخول المنتدى ؟

س4 \لماذا اصريت على لقب ( استاذ ) رغم عدم استحقاقي ؟

س5 / لماذا عبد العزير يجعل من توقيعه ( امتداد ) وتعطيل للتصفح ؟ هع

س6 \ يعتبر عبد العزيز احد اهم اركان المنتدى العام وخلال فتره وجيزه ما هو السبب لذلك ؟

س7 \ ما هو عدد المنتديات التي تتردد عليها ؟

س8 / ما هي اكثر البرامج التي يستخدمها عبد العزيز وهي موجوده بجهازه ؟

س9 \ لماذا يكتب عبد العزيز ردود بالون الاخضر ؟

س9+1 / اريد على الاقل اقترحان لأدارة المنتدى لتطويره ؟

هذا الرد يحمل 10 اسئله والقادم اكثر

اما تعقيباً على سوالك بعدم كتابة سعد من مده فيعود إلى نشري كتباتي في منتدى حصري ( اخس يالمهم هع )

ومع التحيه

سعد الحارق

[>> نصراويه<<]

السلام عليكم
ووش اخباركم ..
مبرووك افتتاح منتدى الشعر ومنتدى الالعاب حررركااات:D
توني اتابع برنامج على أي ار تي ( قبل الحدث) ياني خفت من الهلال
خوف الله يستر :(
المهم
اول شي احب اقول لسعد الحارق
الي قاعد يصير ظلم وش زود عبد العزيز يوم
تحطله اريكه على قوله نصراوي واحنا يالضعوف
زولا وفيرون ونصراويه حذفينا على ذاك الكرسي الين تكسرت ظهورنا
بالله اين العدل واين الرحمه حتى الضعيف وشسمه فيرون مويه مويه ماعطيته اسبوع وهو جالس ويجامل
اااخ بس وش اقول
>> خخخخخخخخ حسد اقول لايكثر وحطي اسئلتس

//////////////////////////////////////
طيب ذس از مي خذ هاذي الاسئله وجاوب عليها وبصراحه

_ انت دايم تقول انك مدرس اولى ابتدائي السؤال وش تدرس قصدي أي مااده
فقه وتوحيد ولا قراءه واناشيد خخخخخخ؟؟!!

يقول (جيلفورد)
_كل البشر يُخلقون عباقره لكن نصفنا يصبحون أغبياء بسبب النظام التعليمي . .!!
بما انك استاذ تهقى معه حق في هالكلام؟

_ انت اكثر من مره تقول( ساد) وواحد من الاعضاء امس يقول
انتم ماتفهمون الكلام (ساد) وش معنى ساد؟
(( عن النصر))
_ وش اخر مباراه حضرتها للنصر في الملعب؟!!
_ كم عدد البطولات الي اخذها النصر من يوم شجعته؟؟>> هذا سؤالك سارقته خخخخخ
_ تهقى متى بيصير اعتزال ماجدونا؟؟
_ وش هو شعورك يوم نفوز على الرجاء البيضاوي في كأس العالم للانديه!!
_ اوصف لي حالتك عند تلقيك خبر وفاه ابو خالد؟!!
_احساسك وش يقول هالسنه في بطوله نصراويه ولالا؟؟
_ تذكر ذاك اليوم يوم برنامج الي طلع فيه ممدووح يوم اعدل له صاحب المقوله انه هارون الرشيد
تخيل امس وبالصدفه لقيت موضوع كاتبه شخص هلالي وناقل كلامي ويضحكون على ممدوح
تصدق اني انقهرت عليه قهر والي زادني قهر ان احنا السبب .. بس ياخي هو الي يجبرنا على هالحركات
السؤال : ماتحس ان الهلالين يتسدحون في العالمي نت اكثر من النصراوين خصوصا بعد مانقلو موضوعك (هاردلنا!!)!!
وهل تعتقد الي قاعدين نسويه لممدوح خطا في حقه ولا يستاهل؟؟
ا(( عن الاعضاء))
_انا كلي نصر اكبر مني بأكثر من 3سنوات وغموض نجد اصغر مني بسنه وحده هل تحس اني محتاجه الكثير والكثير كي اعقل واصبح
مثلهم بنت عاقله ومتزنه اوان الموضوع بسيط وما يستاهل مني الكثير من الجهد او خلاص مالي امل ؟؟

_تتوقع (بندرونا) هههههههه وش يبي يوصل له معي هو وردوده ورسائله الخاصه؟؟

_ياخي انا فاقده خالد فقدتن مايعلم بها الا الله وادري انكم مثلي فاقدينه في رأيك لو طالت الغيبه اكثر
كيف بنقدر نصبر نفسنا وماهي الطرق للوصول له والاطمئنان عليه!!
_زولا هاليومين غايب ماعندك أي خبر عنه ؟!!
_ ودي تعلمني عن اخر اخبار ابو ماجد " مداد 10"؟!
_انا وفيصل 99 قررنا نتعلم عربي " فصيح" تتوقع نقدر ولا نريح روسنا من الحين؟؟


خلاص بس بوقف لين هنا ولي رجعه ان شاء الله..
بالتوفيق للعالمي باااتسر يااارب:(

[كلى شوق]

السلام عليكم,,
سعد الحارق يعطيكـ الف عافيهـ على اختياركـ
مرحبا اخ ذس از مي اتمنى تكون مرتاح بالاريكه,,
اسئلتي لكـ ,,

سر يفخر ذس از مي باعلانهـ؟
ماهي اهتماماتكـ بشكل عام؟
حلم مازال في ذهنك ولم يتحقق ومصر على تحقيقهـ؟
ماقضيتكـ في الحياهـ؟؟
ماهي مميزاتك ؟؟عيوبكـ؟

شكراً لك / اختك كلى شوق

[This Is ME]

نصراوي 5599



--------------------------------------------------------------------------------

رجعت لك ... يالله الهادي استلم مني كم سؤال عربون صداقه يالعمده :-

حياك وحيا أسئلتك يالغالي

عندك كم اخ وترتيبك لو سمحت ؟

3 وأنا الاول

أكثر بلد تسافر له و احلى مكان تحب تروح له ؟ و ليش ..؟
والله يالغالي ماقد عتبت برا البلد بس أدور في السعوديه والسبب لأنك بتشوف شي إنت في غنى عنه ;)

عرفنا عن مؤهلاتك وطموحك في الحياة ؟

جامعي والطموح مثل طموح الشاب العادي أتوظف وأتزوج واربي عيالي لعلي أبني فيهم إللي انا

أتمناه ويمكن المستقبل يحمل أمور لانعلمها تغير الحال من حال إلى حال

موقف شفته امامك و قطع قلبك << عارفك مرفه الاحساس

والله ماأذكر لأنه بصراحه واجد بس ماجا على بالي والله عصرت مخي وماطلع معي موقف

هل تسيطر عليك في معظم الاحيان افكار غريبه وعدائيه ؟

لاحول ولاوقوة إلا بالله وش لون جاء هالسؤال في بالك لا والله رجال مسالم وفي حالي

ماهي التجربه اللي تتمني تكررها في حياتك ان وجدت؟

والله إنحرجت منك بس مافيه شي بمسمى تجربه ممكن مواقف حلوه مثل طلعات وتخييم في مناطق

بعيده في الجنوب و صعبه بقوه ويمكن فيه بس والله إنه ماجاء في بالي شي

ماهي اكلتك المفضلة ؟ وهل تفضل اكل الدجاج المندي ام المضبي ؟

قرصان وفوقها رزيزه وبيتزا <<< الله من التناقض أستغفرالله :al59:

المندي عندي كذا :al80:

هل تفكر بالزواج قريبا ؟

لو الود ودي اليوم قبل باتسر:( بس ياااااااااارب يسهل أمري:al59:

ما رايك في الاسئله التي قدمتها لك ... هل ازعجتك او العكس ؟

لاوالله أحس إنها من جد ممتعه لكن والله عصرت راسي علشان أحاول اطلع شي مفيد

وعيا يطلع معي شئ يوازي هالاسئله الحلوه بحلاة مرور صاحبها

وبالنسبه للدبلوماسيه والله هذا طبعي وهذي الأجوبه يعلم الله أحاول أكتب أول شئ يطلع

على بالي والكتاب بين من عنوانه :p

تقبل فائق شكري وقديري:)

[This Is ME]

إذا أدلهم خطب النصر..وبات الجميع محتاج إلى مرسى ..فابحث في
مداديات حروفه ..فهي أمان لكل المنتدى إنه
فخري وأستاذي (( مـــداد 10))
........موضوع جدا جميل .الحارق

تسلم على المرور روح نصراويه

[This Is ME]

السلام عليكم

وعليكم السلام سعد أستاذ سعد الحارق

الحين جيت بين اديني هع

يالله نبدأ على بكرة الله

توكلنا على الله يالغالي

سـ1 \ البطاقه الشخصيه او الرخصه او( الاقامه ) امزح في الاخيره المهم جاوب ؟

شكلك تبي توديني في داهيه :eek:

س2 \ في احد ردودك ذكرت بأنك معلم ( ما هو تخصصك ؟\ وما هي المديره التي انت موظف فيها ؟)

لغا ت وترجمه وتوني هذا اول ترم من تخرجت والحين قدمت ملفي في كذا جهه والله يسهل الأمر وأنا ماسك هالأهليه وإن شاء الله

ألقى اللي يرضيني ويعينا على المسؤوليه الجايه

س3 \ لماذا عبد العزيز ليس له وقت محدد لدخول المنتدى ؟

لأني مو أنا لحالي على الكمبيوتر إخوي ناشب لي عليه مايمديني أروح إلا وهو مستلمه:al82:

طبعا أنا من النوع إللي ماأسجل خروج وصاير كأني متكي 24 ساعه

وأنا من النوع إللي طلعاتي قليله من البيت وكل ماصرت فاضي وهو الأغلب

أفتحه وأحوس فيه :D

س4 \لماذا اصريت على لقب ( استاذ ) رغم عدم استحقاقي ؟

شف وأنا أخوك الإنسان لايستطيع ان يحكم على نفسه بالإستحقاق من عدمه

وقد يري من حولك ملاتراه أنت في نفسك ومن خلال بعض كتاباتك اجد فيها الكثير من الامور التي

تظل عالقه في ذهني وأستفيد منها وبعد كل ذلك ألا تستحق مني كلمة أستاذ وأرآه أقل واجب أقدمه

لك ياأستاذ سعد الحارق:)

س5 / لماذا عبد العزير يجعل من توقيعه ( امتداد ) وتعطيل للتصفح ؟ هع

خلني على كذا ولاترى بزيدها << مهوب سهل يهدد :D

س6 \ يعتبر عبد العزيز احد اهم اركان المنتدى العام وخلال فتره وجيزه ما هو السبب لذلك ؟

أنت تحمليني في هذه العباره أمر لاأطيق حمله

وترى إني ركيزه بالله ياسعد الحارق اي ركيزه إللي إنت تشوفها:eek: والله لاأستحق هذه الكلمه

بل اجدها فضفاضه على عبد العزيز ياأستاذي الغالي وحسن ذاتكم وطيب أصلكم هو من يجعل

فيني الحماس لتقديم ما تستحقونه من إحترام ومحبه واخوه

س7 \ ما هو عدد المنتديات التي تتردد عليها ؟

متنوعه ولكن لم أكتب سوى في هذا المنتدى ومنتدى الجماهير النصراويه

والباقي للتصفح وقد اكتب مره او مرتين ثم أعود لهذا المنتدى الغالي بتواجدكم


س8 / ما هي اكثر البرامج التي يستخدمها عبد العزيز وهي موجوده بجهازه ؟

أنا وأنا أخوك توني جديييييييييييييد على الأجهزه يعني أشغله وأدخل المنتدى وأتصفح المنتديات

وأطلع وقد ياتي يوم أضطر للبرامج وهذه عاده في المجتمع مايبحث عن الشيئ إلا في وقت الحاجه

الملحه

س9 \ لماذا يكتب عبد العزيز ردود بالون الاخضر ؟

إخترته في وقت كان المنتخب كأس آسيا :D

س9+1 / اريد على الاقل اقترحان لأدارة المنتدى لتطويره ؟

1-الشكل الخارجي مهم في الوقت الحاضر لاني بصراحه قبل الدخول تردد كثير

لأنه يفتقد الكثير من الخصائص المتواجده في المنتديات ولكن لحسن حظي لفت نظري بعض المواضيع

الراقيه وأولها موضوع الفجر البعيد

والتي قد لا ينتبه لها الغير

[2- تثبيت المواضيع الراقيه مهما بلغت كثرتها فالعبره بالفائده لابالكم في تعدد الموضيع

التي ليس فيها سوى كلمة ( ها شباب ماقلتلكم إن فلان لعبه فن ) وإنتهى الموضوع:al82:

وهذا يسبب نزول سريع لمواضيع غايه في الروعه لأنها لم تثبت ..

وأن لايزيد التثبيت عن ثلاثة أيام إلا المواضيع المحتويه على توثيق وتواريخ وقرارات

ثابته والباقي إلى التغير


هذا الرد يحمل 10 اسئله والقادم اكثر

:al82:

اما تعقيباً على سوالك بعدم كتابة سعد من مده فيعود إلى نشري كتباتي في منتدى حصري ( اخس يالمهم هع )

وإنت مهم يالغالي:)

ومع التحيه

أتمنى ان اكون قد وفقت فيما تريد الوصول إليه

[قلب النصررر]

هلا وغلا اخوي عبدالعزيز ... حياك نورت كرسي الأعتراف ...

عندي سؤوال صغيرون ... هل فكرت تترك يوم من الأيام منتدي العالمي نت وما هو السبب ..؟؟

محبك .. قلب النصررر

[This Is ME]

اول شي احب اقول لسعد الحارق
الي قاعد يصير ظلم وش زود عبد العزيز يوم
تحطله اريكه على قوله نصراوي واحنا يالضعوف
زولا وفيرون ونصراويه حذفينا على ذاك الكرسي الين تكسرت ظهورنا
بالله اين العدل واين الرحمه حتى الضعيف وشسمه فيرون مويه مويه ماعطيته اسبوع وهو جالس ويجامل
اااخ بس وش اقول
>> خخخخخخخخ حسد اقول لايكثر وحطي اسئلتس

صدق إن الحاسد في الأرض الحين نصراوي 5599 يقول هذا كرسي الحالات النفسيه والخبلان والمهابيل

وإنتي حاسدتني عليه :mad:

يالله بأنزل تحت عند الظويوه ألين عظيماتي زين مازين

//////////////////////////////////////
طيب ذس از مي خذ هاذي الاسئله وجاوب عليها وبصراحه

أها يالله هاتي وش عندتس يا نصراويه هانم:al58:

_ انت دايم تقول انك مدرس اولى ابتدائي السؤال وش تدرس قصدي أي مااده
فقه وتوحيد ولا قراءه واناشيد خخخخخخ؟؟!!

أيوه زي ماقلتي وبعد رائد فصل:al59:

يقول (جيلفورد)
_كل البشر يُخلقون عباقره لكن نصفنا يصبحون أغبياء بسبب النظام التعليمي . .!!
بما انك استاذ تهقى معه حق في هالكلام؟

لو جانا جيلفورد ألحين إستغفر ألف مره وغسل فمه بمويه وملح علشان يعقمه عن الكلام اللي

قاله ويتراجع عنه ويقول (كل البشر يُخلقون عباقره لكن كلنا نصبح أغبياء بسبب النظام التعليمي )والله مااكذب عليك

إني من مسكت هالتدريس << مسوي ماسكه من زمان وهو ماله إلا شهر ونص:p

ليه لأنهم يقولون إذا جاوب الطالب وحتى لو صدفه وليس شرط الإتقان مباشره

ضع بجانب المهاره المطلوبه صح بذمتكم هذا تعليم:al82: وتشوفيني كل يوم عند المدير

طقاق لأنهم ياخذون الطالب من وراي ويهجونه الحروف وهالطالب يحزر ويفزر ويقولون سمعناه نطق

الحرف آآآآآآآآآآآآآآآآآه بس يالقهر التقويم فاااااااااشل بالله المعلم عنده 40 أو30 طالب بالله

بيقدر يقيمهم يوميا بإتقان :al82: سؤالك فتح جروح يعلم الله إني اتعذب علشان هالصغار وازوع

المرار :al22: إذا تذكرت هالتعليم هذي نقطه من بحر وفيض من غيض وخليها على الله

_ انت اكثر من مره تقول( ساد) وواحد من الاعضاء امس يقول
انتم ماتفهمون الكلام (ساد) وش معنى ساد؟

يعني أحسن أو أبرك أو تستاهل ودائما ماتكون للشماته :D

(( عن النصر))

_ وش اخر مباراه حضرتها للنصر في الملعب؟!!

الإتحاد والنصر الله لايعيدها من كابوس:al73: وكنت بحضر مبارات الشباب بس جاء ظرف قعد حيلنا:al82:

_ كم عدد البطولات الي اخذها النصر من يوم شجعته؟؟>> هذا سؤالك سارقته خخخخخ

عشره وعقبال ماتزيد من هالسنه يارب بس يبقى أم طبيع ماتجوز عن طبعها:D

_ تهقى متى بيصير اعتزال ماجدونا؟؟

كالعاده إذا مات الشخص عندنا تذكروه ولكن اتمنى ان يكون قبل ذلك الله يطول بعمره وهو يستحق أكثر من حفل ماهو حفل واحد ولم يقام بعد:eek:

_ وش هو شعورك يوم نفوز على الرجاء البيضاوي في كأس العالم للانديه!!

بعض الاحداث إذا ذكرتها كأني توني شايفها ومن ظمنها هالمباراة لانها مهوب بس فوز إلا فوز بأربعه

أهداف ومستوى قوي والشاهد العالم كله وأنا اكتب احس شوي واسوي :al106:

_ اوصف لي حالتك عند تلقيك خبر وفاه ابو خالد؟!!

ماادري احس إلى الآن وانا ماصدقت إنه توفى مع إني شايفهم

وهم يقبرونه وكل ماطلع بندر بن محمد أقول وينك عنه تحوسه:al75:..

وصوره الاخيره في جريدة الرياضي ثلاث أيام وأنا ماتفارقني صورته وصوته وووالله يغفر له ويرحمه ويسكنه فسيح جناته رغم اخطاءه إلا إني متاكد 100% إنه يعشق النصر وهذا سر حب الناس له

_احساسك وش يقول هالسنه في بطوله نصراويه ولالا؟؟

لا.. يمكن يكون وصيف لكن بطوله أحس فيه أخطاء في النصر إلى الآن قاتله

ولابد يكون عندك فريق أحتياط ينافس الأساسي والنصر لم يمتلك ذلك بعد ولكن انا من النوع إللي أقول

أنا اريد وإنت تريد والله يفعل مايريد

_ تذكر ذاك اليوم يوم برنامج الي طلع فيه ممدووح يوم اعدل له صاحب المقوله انه هارون الرشيد
تخيل امس وبالصدفه لقيت موضوع كاتبه شخص هلالي وناقل كلامي ويضحكون على ممدوح
تصدق اني انقهرت عليه قهر والي زادني قهر ان احنا السبب .. بس ياخي هو الي يجبرنا على هالحركات
السؤال : ماتحس ان الهلالين يتسدحون في العالمي نت اكثر من النصراوين خصوصا بعد مانقلو موضوعك (هاردلنا!!)!!

أولا انا مؤيد إن الهلال يتواجدون عندنا وإحنا نتواجد عندهم بإحترام وحتى لو حاولنا منعهم ماااانقدر

لأنه شئ يفرضه التنافس بين الفريقين

فمثل ماإن الفريقين يتنافسون على ارض الواقع لابد يكون فيه تنافس في المنتديات

تعرفين اخبارهم ونتلقط أخبارهم ..هم نفس الامر يعني بالعكس احس إنها ظاهره صحيه على قولتهم

وبعدين وش دراك إلا إذا إنتي بعد(( تتسدحين عندهم يانصراويه)) !!:D



وهل تعتقد الي قاعدين نسويه لممدوح خطا في حقه ولا يستاهل؟؟

أنا شهادتي مجروحه في النصراويين ولكن النصراويين عقلانيين وأكثرهم يميز بين الصح والخطأ

ويشكرون المحسن ويعاتبون المسئ صحيح أحيانا يختلف أسلوب التصحيح حسب ثقافتهم ولكن تجدين إللي

حاسه وشرشحه أمس يشكره اليوم لانه أجاد وأصاب وبصراحه إللي سواه ممدوح فينا يخلي الحجر ينطق

والإداره شريكه في الجريمه ومتى مااحسن صدقيني إنتي اول من يشكره ويطبله:al101:

ا(( عن الاعضاء))

_انا كلي نصر اكبر مني بأكثر من 3سنوات وغموض نجد اصغر مني بسنه وحده هل تحس اني محتاجه الكثير والكثير كي اعقل واصبح

مثلهم بنت عاقله ومتزنه اوان الموضوع بسيط وما يستاهل مني الكثير من الجهد او خلاص مالي امل ؟؟

خلاااااااص مافيه امل إغسلي يديك لان ربي خلقك كذا فإرضي بقضاء الله وقدره

وبعدين كل مسير لما خلق له << حطمها:al16:

بس كل وحده منكم لها قيمتها في المنتدى تخيلي كلكم نفس التفكير:confused:


_تتوقع (بندرونا) هههههههه وش يبي يوصل له معي هو وردوده ورسائله الخاصه؟؟

والله ماأدري وش بداية المشكله لكن يبقى يعود لتفكيره الخاص فيه :cool:

_ياخي انا فاقده خالد فقدتن مايعلم بها الا الله وادري انكم مثلي فاقدينه في رأيك لو طالت الغيبه اكثر
كيف بنقدر نصبر نفسنا وماهي الطرق للوصول له والاطمئنان عليه!!
والله أنا إللي أقدر عليه سويته نزلت موضوع لجل عيونه ولعل وعسى احد عنده رقمه يطمنا عليه:(
_زولا هاليومين غايب ماعندك أي خبر عنه ؟!!إيه والله غن هذا بعد فاقده شكلي بنزل موضوع انادي عليه:D<<< إستحلى السالفه
_ ودي تعلمني عن اخر اخبار ابو ماجد " مداد 10"؟!

حتى هذا والفجر البعيد ماعاد أشوفهم شكلهم عندهم شغل أو شي الله يسهل أمرهم

ويرجعهم بالسلامه:(

_انا وفيصل 99 قررنا نتعلم عربي " فصيح" تتوقع نقدر ولا نريح روسنا من الحين؟؟

إيه تكفون خذوا دورات تعلمو فيها لانكم خربتوا لغتنا :mad:

صرنا نخبص عربي مع عامي وإرجعي لكلامي إللي قبل تشوفين مدى الفساااد إللي سويتوه فينا:al82:

خلاص بس بوقف لين هنا ولي رجعه ان شاء الله..

والله ودي اقول روحه بلا رده بس ماتهونون علي:D
بالتوفيق للعالمي باااتسر يااارب

اللهم آمين

[This Is ME]

مرحبا اخ ذس از مي اتمنى تكون مرتاح بالاريكه,,حياك الله إختي كلي شوق

الاريكه مريحه بس والله عيونهم ماخلتني أرتاح حاسديني حتى في هالكرسي:(

سر يفخر ذس از مي باعلانهـ؟

إني مسلم أولا وسعودي ثاني ونصراوي ثالثا...:al106:ماهي اهتماماتكـ بشكل عام؟
المجال الشرعي والمجال الرياضي
حلم مازال في ذهنك ولم يتحقق ومصر على تحقيقهـ؟
الحرص على أن اكون نافعا محبوبا للجميع في المنزل أو العمل أو أي مجال آخر

ماقضيتكـ في الحياهـ؟؟

المشاركه ولو بالقليل في أي مجال يحتاجني الدين فيه ومحاولة قدر الإمكان تطبيق

حديث الرسول صلى الله عليه وسلم ( بلغوا عني ولو آيه)

ماهي مميزاتك ؟؟عيوبكـ؟

سؤال صعب لاني انا دائما من أحب ان اسأل غيري عنه لأحاول التصحيح في ذاتي

شكراً لك / اختك كلى شوق

الشكر والتقدير موصول لك إختي كلي شوق على الاسئله الخفيفه :)

[غموض نجد]

السلام عليكم ورحمه اله وبركاته
مسويه رسميه:al1:

ياهلا باخوي عبدالعزيز

اول شئ ماشاء الله عليك مشوار قعدت اقرا اسئله فيصل

اسئله يبي لك ترجع بالذاكره ورا

موقف صار لك وانت تدرس؟يضحك يعني:)؟
اوصف لنا باكثر قدر ممكن من الكلمات عن اول يوم تدريس؟
وش اول شئ سويته بعد اخر اختبار لك بالجامعه؟
لو فاز النصر وش يتسوي؟

ولي رجعه هذا اللي جاء في بالي والله

[مهووسةالنصر]

اوهوووووه ماذ1 ارى بأم عيني ,,!!!

عزووووز بالكرسي ,,

واللـــه انك شي حاطين لك اريكه بعد مو كرسي زس اللي قبلك مسااكييين ,,هع
<<ماتحـــب المشاااكل ابدن ابدن ,,

ذس از مي خروج اول ولي رجـــعـــه ,,:)

>>اللـــه يستـــر من هالرجعـــه ,,,هع

عوفيـــــتــــ.....: )

[>> نصراويه<<]

وبعدين وش دراك إلا إذا إنتي بعد(( تتسدحين عندهم يانصراويه)) !!

عذرا على هذي المداخله .. ولكن لتوضيح لااكثر
الموضوع لقيته في منتدى " الرياضه المحليه"
وليس منتدى الهلال ..ولكن كاتب الموضوع شخص هلالي ..
وبالعكس اكره شي عندي اني ادخل منتداهم
وماادخله الا اذا حطو اعضاءنا روابط لموضوع معين
مثل ذيك المره مع موضوعك فقط لاغير
شكرا لك ابو العز

[إبراهيم اليحيى]

حيالله ذس از مي على هالكرسي مدري الأريكه

بس الصراحه إنك تستاهل الكرسي الجديد لأنك تبقى مميز

وما أقول إلا الله يعينك على أسئلة الأعضاء

ولو أنا محلك كان أول ما شفت أسئلة فيصل أعلنت إنسحابي من عالم الإنترنت بكبره <<<خخخخخخخخخ

ومشكوور على سعة صدرك

ولي رجعة بإذن الله

[جـمـــــــر]

يوووووووووووووووووه عظم الله اجرك ياعزوز والله اني راحمك والا توني باجهز لك ذيك القائمه من الاسئله الا متناهيه <<اوخس وش عنده
المهم ماقول الا الله يعينك وعلى قولة اخويbry888 حتى انا باعلن انسحابي وش رايك تهج معنا <<شكلي بانطرط من المنتدى تراني امزح خخخخخخ <<خاف

[عهد النصر]

الله يعينك
انا بعد بغيت اساال بس
قلت حررررررررررررام خليه يلحق على الاجوبه
حبيت اسلم واقول الله يعطيك العافيه

[أنا كلي نصر]

السلام عليكم ورحمة الله وبركاته

،. هارد لك نتيجة البارح مع الزعيق
وهل في نظرك التعادل كان عادل ولا ضاعت علينا؟؟

،. كنتاكي يقول إنه المباراه سُـلبت منهم
وإنه الكثيري ضيّع عليهم نقطتين يمكن تخسّرهم الدوري
أيش رايك في كلامه؟؟

،. الزعيقيين في المنتدى صاروا أضعاف النصراويين
أيش هو الحل للقضاء عليهم من وجهة نظرك؟؟
لأنه الدور اللي فوق اللي هو منتدى الجماهير صار ممل
ومرتع خصب للزعايقه ينفسّون عن أنفسهم بمواضيعهم اللي مثل وجيههم..

،. هل عبد العزيز من عائله نصراويه 100 %
أو كوكتيل أنديه؟؟
وإذا كان أحد الأخوان يشجّع الزعيق كيف تتعامل معه أوقات التشجيع
أو النقاش في مواضيع تخصّ الأنديه؟؟

،. أول قسم تدخله أول ماتطبّ العالمي نت؟؟

،. بطاقه صفراء
وبطاقه حمراء
لمن توجهها من أعضاء العالمي نت؟؟

،. لو كنت كاشخ وماشي في الشارع
ولقيت قشرة موز ع الأرض وماإنتبهت لها ودعست عليها
وطحت قدّام خلق الله وش بتكون ردة فعلك؟؟

،. لو كان فيه إنسان معروف عنه إنه مايتكلم مع أحد إلا ويقنعه بفكرته
جاء عندك وجلس يزن ويزن على راسك علشان تترك تشجيع النصر
هل راح تتركه؟؟

،. سؤال في ذهنك من فتره وأنت تدوّر له جواب؟؟

وبس
وكل عام والجميع بخير
:)

[This Is ME]

هلا وغلا اخوي عبدالعزيز ... حياك نورت كرسي الأعتراف..

هلابك يابعدي النور نور عيونك ياأخوي قلب النصررر

عندي سؤوال صغيرون ...

آمر صغيرون كبيرون هم مارزوني هنا علشان سواد عيوني هم رزوني هنا علشان أجاوب على

أسئلتكم يالغالين

هل فكرت تترك يوم من الأيام منتدي العالمي نت وما هو السبب ..؟؟

نعم فكرت وهو أول مادخلت للمنتدى وبعد ماقرأت المواضيع علمت أن هناك من يستحق فعلا البقاء

لأجلهم والخوض في عباب حرفهم..

وثاني مره كان تواجد شخص معنا دائما وبكثره و مواضيعه إستفزازيه لجميع الاعضاء ولايوجد

فيها الإحترام للقارئ وبعد ذلك قل تواجده والحمد لله صار المنتدى منعش..

ولازال هذا الشعور ياتي بين الوقت والآخر ولكن تواجد الإخوان أمثالك ياقلب النصررر..

والاخوات في المنتدى

يمنع من إطالة التفكير في الأمر ولانعلم مالله مريد بنا..



محبك .. قلب النصررر

أحبك الله ايها الغالي

[This Is ME]

السلام عليكم ورحمه اله وبركاته
مسويه رسميه

وعليكم السلام ورحمة الله وبركاته يالرسميه:)

ياهلا باخوي عبدالعزيز

المهلى مايولي استاذتنا غموض

اول شئ ماشاء الله عليك مشوار قعدت اقرا اسئله فيصل

اسئله يبي لك ترجع بالذاكره ورا

هماني بس خلصت منها:al106:



موقف صار لك وانت تدرس؟يضحك يعني؟
اوصف لنا باكثر قدر ممكن من الكلمات عن اول يوم تدريس؟

هذا الموقف اهو اللي اعتبره الموقف الأول لي في التدريس .. يعني هو اللي بغى يوقف قلبي فيه :al49:..


في المستوى السابع .. نسوي درس على البوربيونت عشان نطبق في القاعة على اخويانا.. وأجلس طول

ليلي أسوي الدرس:al68: ..


المهم مانتم الا آخر الليل:al63: .. واقوم الصبح للجامعه متأخر عيوني مغمصه:o ..وأغسبل الخشة وأفطر على الطريق :al110:..

ولما وصلت الجامعه .. وأتلمس راسي الا العقال والله مهوب عليه .. وهذي أول مره من دخلت الجامعه

أنساه:al59: .. والله وأدخل القاعة داق البكاريه .. والطلاب يناظرون وش سالفة هذا مخربها :cool:..

وقفت قدامهم وأنا يا الله اشيل رجولي ومنحرج من العقال:al3:.. راح ا لدكتور جلس في مكاني .. وقبل لا

أشرح درسي قلت للطلاب والدكتور I am sorry about the look,but I forgot my Ekal

قام الدكتور قال وهو مكشر:cool:؟ do you think this is important to say

قلت عز الله جبت العيد ياعزيو .. وشخلاك تتفلسف وتعتذر عشان العقال:al82:.. هذا أنت ضيقت الدكتور

,وشوي قال الدكتور yes abdulaziz

قلت في نفسي يالله سترك وش فيه قام يصارخ:eek:..

وكمل كلامه الدكتور وقاام يمدحني وكل شوي يقول yes abbulaziz, very good, It is realy important

ويوم سكت.. قمت وشرحت لهم وأنا ما أنااظر عيونهم:al70: ..طول الوقت اناظر فوق في السقف

وعقب ماخلصت وجلست سألت خويي هاه كيف الشرح :D.. قال والله مافهمنا شي

ياخي تمشي مليون وأنت تشرح .. كنك ملحوق .. ياخي هو قالك لازم تشرح دقيقتين

والله أستغربت من كلامه :confused:أنا في بالي أني جلست سبع دقايق أو أكثر ..

وصرت ماكملت نص دقيقة:D ..!!

وفي هالموقف صار الوضع طبيعي مع اللي أصغر منهم

والحين ندرس هالإبتدائي جميع المواد مع إن المفروض ماأدرسهم غير تخصصي

بس يقولون لوقت معين .. وبداية الترم الثاني فقط بدرسهم إنجليزي وفنيه

لكن لعل وعسى تجي وضيفتي وأتركهم ومبزرتهم:al19::al19:


وش اول شئ سويته بعد اخر اختبار لك بالجامعه؟

:al63:

لو فاز النصر وش يتسوي؟

مدري حتى أنا دايم أسال نفسي هالسؤال بس والله خايف يوقف قلبي بس خله يفوز وأعلمكم وش يصير:)

ولي رجعه هذا اللي جاء في بالي

إنا لله كلكم تقولون لنا رجعه:al37:

يالله تروحين وتردين بأسئلتك ياغموض نجد

شكرا لك

[This Is ME]

اوهوووووه ماذ1 ارى بأم عيني ,,!!!

عزووووز بالكرسي ,,

مكشخ الولد :al59:

واللـــه انك شي حاطين لك اريكه بعد مو كرسي زس اللي قبلك مسااكييين ,,هع
<<ماتحـــب المشاااكل ابدن ابدن ,,

:mad: تراهم مهوب ناقصين شرشحوني على هالكرسي شرشحه :D

ذس از مي خروج اول ولي رجـــعـــه ,,:)

>>اللـــه يستـــر من هالرجعـــه ,,,هع

إيه والله:al113:

مشكوره على المرور أختي مهووسة النصر:)

[This Is ME]

عذرا على هذي المداخله .. ولكن لتوضيح لااكثر
الموضوع لقيته في منتدى " الرياضه المحليه"
وليس منتدى الهلال ..ولكن كاتب الموضوع شخص هلالي ..
وبالعكس اكره شي عندي اني ادخل منتداهم
وماادخله الا اذا حطو اعضاءنا روابط لموضوع معين
مثل ذيك المره مع موضوعك فقط لاغير
شكرا لك ابو العز

This Is ME إللي يعتذر منك لأنه

من خلال حروفك قرأ لهجه لم يعتد عليها من إخته >> نصراويه<<

أكرر أعتذاري عن ما تسبب به This Is ME من إزعاج لك أو لأي احد من أفراد المنتدى..

ولم يكن يتوقع إنك بتتضايقين من كلامه إللي كان يعتقد إنه مجرد مزحه.. ولكن أخذتيه بمنظور آخر..

لان بالنسبه له يرى وجود الهلالين أمر مفروض على الجميع..

كما ان وجودنا عندهم امر مفروض عليهم ..

ولأن المنازل والمدارس والمنتديات العامه والخاصه يتواجدون ويتناقشون وقد يتشاجرون

فيما بينهم ، وخلال لحظات كأن شيئا لم يكن :eek:

فهو لايرى ضير ومانع في تواجدهم رغم انه من أقوى وأعتى من يدافع

عن نصره امام اي هلالي :al67:هذا وجهة نظر This Is ME

شكرا لمرورك وتعقيبك اختي >> نصراويه << :)

[This Is ME]

حيالله ذس از مي على هالكرسي مدري الأريكه

تحيا وتدوم يالغالي bry888

بس الصراحه إنك تستاهل الكرسي الجديد لأنك تبقى مميز

يكفيني هذا الثناء من اخ عزيز وغالي فخرا لي

ولكن لم يكن ذلك الثناء إلا لحسن ذاتك أيها الغاااالي

وما أقول إلا الله يعينك على أسئلة الأعضاء

ولو أنا محلك كان أول ما شفت أسئلة فيصل أعلنت إنسحابي من عالم الإنترنت بكبره <<<خخخخخخخخخ[/

هههههههههههههههههههههه والله مااكذب عليك بغيت أسويها يوم قريت أسئلته:eek:

بس صارت اكثرها الأسئله الموضوعيه اكثر من المقاليه وهانت علي:D

ومشكوور على سعة صدرك

الشكر موصول لك أخوي bry888 والله يوسع صدرك بالعافيه

ولي رجعة بإذن الله

حياك الله وربنا يستر:)

[This Is ME]

يوووووووووووووووووه عظم الله اجرك ياعزوز والله اني راحمك والا توني باجهز لك ذيك القائمه من الاسئله الا متناهيه <<اوخس وش عنده
المهم ماقول الا الله يعينك وعلى قولة اخويbry888 حتى انا باعلن انسحابي وش رايك تهج معنا <<شكلي بانطرط من المنتدى تراني امزح خخخخخخ <<خاف

هلا وغلا بولد العم جمر أحتريك من زمان تجي تواسيني بس مدري وين صاد الله يهديك

وفي أي شعيب هالمره طاس :cool:

بس يالله أشوى ماابطيت

عظم الله اجرك ياعزوز

وأجرنا واجرك ياالدحمي:(

شكلي بانطرط من المنتدى

إن كثرت سعسعه لها البران بصوت علشان يطردونك صدق:D

مشكور على المرور والمؤازره يالغالي

[This Is ME]

الله يعينك
انا بعد بغيت اساال بس
قلت حررررررررررررام خليه يلحق على الاجوبه
حبيت اسلم واقول الله يعطيك العافيه

هههههههههههههههه

حياك الله أختي عهد النصر على هالمرور الخفيف والجميل

تقبلي شكري وتقديري استاذه عهد النصر:)

[This Is ME]

أنا كلي نصر

بسم الله ابدا


السلام عليكم ورحمة الله وبركاته

عليكم السلام ورحمة الله وبركاته:)أستاذتنا انا كلي نصر

،. هارد لك نتيجة البارح مع الزعيق
وهل في نظرك التعادل كان عادل ولا ضاعت علينا؟؟

بعد الطرد يعتبر عادل..

ولكن قبل الطرد كان النصر منعش أكثر من الهلال ..

رغم ان الهلال كان فريق منظم لا يضيع مجهوده هباء لانه منظم والهجمه لها بدايه ونهايه

وتجدينهم يعودون وينظمون صفوفهم بطريقه أروع من النصر..

ولكن لم يكن في يومه الزعيق لذا كان لابد على النصر ان يستغل ذلك

ولكن للاسف الطرد حاس الدنيا:(

والحمد لله على كل حال

،. كنتاكي يقول إنه المباراه سُـلبت منهم
وإنه الكثيري ضيّع عليهم نقطتين يمكن تخسّرهم الدوري
أيش رايك في كلامه؟؟

بندر بن محمد اليوم شكله دق على الكثيري وقاله إعتذر ولا سحبنا الشاره منك

بالله متى الحكم يكلم ويعتذر فقط ليعلم الجميع ان الزعيق

ولو يقدر كان عاد المباراة بكبرها وياما بنشوف من مدعين الوطنيه وهم من جنبها

وماعاد أشره عليه أبد:D

،. الزعيقيين في المنتدى صاروا أضعاف النصراويين
أيش هو الحل للقضاء عليهم من وجهة نظرك؟؟
لأنه الدور اللي فوق اللي هو منتدى الجماهير صار ممل
ومرتع خصب للزعايقه ينفسّون عن أنفسهم بمواضيعهم اللي مثل وجيههم..

هههههههههههههههههههه ههه مااحد يقدر يسوي شي أبد

وفعلا من ناحية ممل فهو صحيح لكن العيب موفيهم العيب فينا إحنا بالله متى نزل احد من

النصراويين موضوع وإذا نزلوا مواضيع تلاقين الجميع يقرأون دون ان يكلف نفسه القارئ عناء الشكر

لصاحب الموضوع الذي يريد ان يشارك به تجدين الدخول للموضوع 500 والله مايرد إلا 9 بالكثير 11

لكن شوفي الزعيقي إذا كتب الردود :al82:

وهذا ما يجعل المنتدى مرتع لهم وسأحاول ان اكتب موضوع لانادي فيه على

ترك الزعيق:al19: يزعقون:al4: ولا يلقون أحد يعطيهم بال فقط هذا الحل الوحيد:D

،. هل عبد العزيز من عائله نصراويه 100 %
أو كوكتيل أنديه؟؟
تقريبا 99% لان ابوي الله يهديه هلالي:(

وإذا كان أحد الأخوان يشجّع الزعيق كيف تتعامل معه أوقات التشجيع
أو النقاش في مواضيع تخصّ الأنديه؟؟

أعوذ بالله والله انا أخاف من نفسي إذا تناقشت مع اي زعيقي جعلكم ماتشوفوني :p


،. أول قسم تدخله أول ماتطبّ العالمي نت؟؟

مره العام ومره الجماهير على حسب الوقت والاهميه إذا كان في مباراة واخبار وأحداث

ندخل مباشره الجماهير وإذا ركود ندخل العام

لمن توجهها من أعضاء العالمي نت؟؟

،. بطاقه صفراء

كل من يقلل من نصراوية النصراوي المحب الذي يحاول تصحيح الخطأ بدعوى إنه مندس
وبطاقه حمراء

كل من يتعدى حدود الادب والاحترام للمتواجدون سواء نصراوي او هلالي


،. لو كنت كاشخ وماشي في الشارع
ولقيت قشرة موز ع الأرض وماإنتبهت لها ودعست عليها
وطحت قدّام خلق الله وش بتكون ردة فعلك؟؟

قد صارت لي بس مو في موز عادي طحت بدون موز:p

عادي قمت ونفظت ثوبي وقلت الله لايحوجني محد سمى علي :( يعني أسوي الامر طبيعي

يضحكون شوي وينسون بسرعه موهوب مثل إللي يكابر لان الجميع معرض لطيحات والإنسان

ضعيف :D

،. لو كان فيه إنسان معروف عنه إنه مايتكلم مع أحد إلا ويقنعه بفكرته
جاء عندك وجلس يزن ويزن على راسك علشان تترك تشجيع النصر
هل راح تتركه؟؟

ههههههههههههههههههه يبطي عظم :Dلان والله كذا واحد لينت راسه للنصر صحيح

ماصرح إنه نصراوي لكن أصبح يميييييييييييييل للنصر:D

،. سؤال في ذهنك من فتره وأنت تدوّر له جواب؟؟

سؤال عام :

لماذا صار الزلل والتعدي على الدين واهله أمر هين ومنتشر رغم إنتشار العلم

وعلمهم بخطورة التعدي على العلماء وأيضا تجدين خصوصا بين الشباب تسمية الشباب

الصالحين باسماء الصحابه ليس تكريما لهم ولكن إستهزاء والعياذ بالله!!

في الجانب النصراوي:

لماذا هذا الحقد الغير طبيعي الخارج عن العاده لطلال الرشيد لدرجة يقولون إن

الشهراني يطلب منه يصلح سيارته بالله الشهراني ماعنده فلوس عقد وراتب

ولايشوفون الرشيد راعي ورشه :al97:


وبس
وكل عام والجميع بخير

وإنتي بصحه وسلامه وشكرا على هالأسئله الممتعه استاذتنا أنا كلي نصر

واحل شي كلمة

بس:al106:

[زولا35]

.
.
.

أهلاً وسهلاً بأخي الغالي عبدالعزيز .. أتمنى ان تكون في أتم الصحة والعافيه .. نبدأ بالأسئلة :

علل : حلوه علل ..
س1 : اين تقضي أغلب أوقاتك ؟
س2 : أمنية تتمنى تحقيقها ؟
س3 : ماهو تخصصك ؟
س4 : هل هناك موعد محدد للنوم ؟
س5 : ماهي الدوله التي تتمنى زيارتها ؟
س6 : أفضل قناة فضائية تتابعها ؟
مساحه حرة لك ..

بارك الله فيك ..

.
.
.

[>> نصراويه<<]

سلالالالالام
عبدالعزيز وش فيك :(
لاوالله لاتضايقتك من كلامك ولااخذته من
منظور اخر..
ابد بس كنت اتكلم بجديه شوي بدون تنكيت>> مهوب لايق :D
او يمكن عشان بعد مباراه امس كنت متضايقه
من المباراه .. مدري !!
او عشاني فاقده اعضاء المنتدى العام وبالي مشغول مع زولا الي رجع الحمدلله و
اخو فصوول .. وعندي برضو موضوع (مصيري) شاغل بالي!!
مدري هههههه الي اعرفه اني كتبت هالرد ونفسي مسدوده
بس اقسم بالله كلامك وردك ماله دخل ابد بالعكس اعجبني ..
عموما خلنا نعطيك الجزء الثاني والاخير من الاسئله
قبل تنتهي المده:al01:
سؤال اعتيادي استغربت محد سئلك اياه !!
_كم عمرك؟>> اتوقع 24 صح ولا خطأ:eek:
_وش علاقتك بالعضو جمر؟؟
_ليش ماعاد نشوف العضو (جندي مجهول)!!:D
_ بما ان تخصصك لغات وترجمه
يعني يمديك تصير مترجم .. او سكرتير او حتى مذيع!!:al59:
وش الله حادك على بزران المدارس!! >> وانتي وش دخلتس
>> بيني وبينك ياليتك تتعين مدرس محد لاقيها الا المدرسين انواع الاجازات والفله>> حسد:al42:

((عن الاعضاء))
_ تتوقع ليش رعد الرياض وفيرون النصر مايمرون على هذي المواضيع
ولا يحبونها!!(اقصد موضوع كرسي الاعتراف)
_ من هو العضو الي (يفهمك) من غير ما(يتعبك)!!
_ عضو دايم مواضيعه (تفاجئك)!!
_ عضو اسلوبه ( يعجبك)!!
_ عضو عجزت تفهمه؟
_عضو ودك تعرف عنه اكثر؟؟
_عضو متفرد بشخصيته؟
_ عضو تتحمس مع مواضيعه؟!
_ عضو ترتاح اذا شفت معرفه؟!

///////////////////////////////////////
بندخلك جوووو ثاني مع هالاريكه
ياااااااااغموض نجد جيبي القهوووووه
يالله هذي ابيات شعريه تهديها لمن(اشخاص داخل او خارج المنتدى بكيفك)؟؟


1_ إن خانتـك دنيـاك .. أو خنـت دنيـاك && إرجــع و تلقـابـي .. مكـانـك.. مـكـانـك


2_اصعب الاشياء واكثرها سهوله ...اغمض الاشياء واكثرها وضوح

3_فكرت بالدنيا بلياك وشلون... وفي ساعه التفكير هلت دموعي


4_ بقيت الاشياء ولكن روحها راحت معاك ... كنت فيني وفيها ساكن كم تغيرنا بلاك
>> احس هالبيت يصلح لماجد عبدالله:(


5_عسى الله لا يبين لك غلاك وقدرك الخافي
أنا لو جيت بوصف مكانك عندي وحاولت
بقدم لك سكوتي
ماااا أحس إن الحكي كااافي

6_أغـرب إنســانٍ عـرفـتـهـ .. حـرت فـي أمـرهـ بـ شـدهـ
أقـصـى مـا عـنـدي أقـولهـ .. أنهـ فـي إحـسـاسـهـ ( مـزاجــي)


7_تعــال يالله ..
نـوّر الصبـح " للنـاس " ..
شكـل ][ الصبـاح ][ ..
ابـدون " نـورك "
تـرى (( ليـــل )) .. !


8_ما عاد تفرق لو تجي صدمتي فيــــــك ..
صدمات عمري زودتني مناعـــه
متساويه عندي واذا قلت ما اخفيـــــــك ..
(كل شي احبه اتوقع ضياعــــــــه) )))!!
//////////////////////////////////////////////

اخر شي قول لنا ثلاث نكت ؟؟:D

وودي ازيد بس رحمتك خلاص بنوقف ونبقي اسئله للي بعدك!!!

شوووكرن لك

[غموض نجد]

والله ياعبدالعزيز هي الكرسي فرصه نسئلك فيها
علشان كذا بعد الكرسي اذا قمت تمشي وودعت الراحه مااحد راح يلقاك بتهج هجه
قويه:)

ونصراوية انا على طول قهوتي جاهزه انتي امري بس
تبين اشب النار بعد مادام الدعوه اسئله واشعار وحركات:)
وانا اقولتس تم بس بزعفران ولابدون مع احترامي للي مايشربون القهوه مع الزعفران والله هي اللي تحلي القهوه....تحليه هذي مبالغه بس:)
اقصد تزين طعمه..

والاسئله بسم الله الرحمن الرحيم

قبل لا ابدا رجاء يااستاذ عبد العزيز لاتقولي استاذه
والله مااحب التدريس ادري انك مدرس لكن مااعرف اوصل معلومه
مره وحده من البنات قالت لي اشرح له{ قصد} ماده عندنا في الجامعه
اسمه اقتصاد واداره انا فاهمه بس مااعرف وشلون ادرسه او اوصله معلومه
قالت الله تكفين اسكتي اسكتي لاتطيرين باقي المعلومات اللي براسي بس
وخلاص انا عرفت قدري واني مااعرف ادرس


الاسئــــــــــــــــــــ ـــــــــــــــــله
وش تشجع فريق بعد النصر؟
موقف صار لك من خلال تشجيعك للنصر؟
موقف اثر في حياتك بشكل عام؟ا
اقرب صديق لعبدالعزيز؟ومن متى تعرفه؟موقف معه ماتنساه؟
احب المواقف انا:)
الى اي مدى ممكن تسامح شخص كذب عليك؟
اذا كنت تقرا؟اي انواع الكتب اللي تقراهن؟كتابك المفضل؟
شاعرك المفضل؟
خلاص والله يوم شفت اسئله نصراوية
قلت مانيب مكثره اسئله رحمتك والله

[فيصل 99]

عزوووز وش ذا اغلب الاجوبه " مشفر" ..!!

ابيك الحين تجاوب عليها ولا ترى بزيد هع


سؤال واحد بس

وش نوع مووترك << اذا كان عندك موتر هع

امزح .!!

[جـمـــــــر]

ههههههههههههه اقووووووول لين الحين وانت قاعد تجاوب ايه والله المسكين
شكلي بجاوب عنك مره <<يالملقوف مايخالف راحمك
يانصر99 سيارته .... والا اقول خله يجاوب اهو منب فاضي بطلع اللحين<<اجل وش خلاك تتكلم

[This Is ME]

(زولا35 )الغالي

آسف على التأخير في الإجابه لكن ماأحب اجي اتكي وأجاوب إلا وأنا مروق

لأن مسكين نصراوي 5599 جيت وأنا ماش ماهنا ترويقه ولاطلع معي ولا جواب وإستحيت منه

يالله بسم الله نبدأ


أهلاً وسهلاً بأخي الغالي عبدالعزيز ..

هلابك يالغالي عبد الله

أتمنى ان تكون في أتم الصحة والعافيه .. نبدأ بالأسئلة :

مادمتوا بخير فانا في اتم صحه وعافيه وسعاده الحمد لله

علل : حلوه علل ..

خخخخخخخ أستغفر الله دراسه بس هما الأسئله منك فهي حلوه يابوعابد

س1 : اين تقضي أغلب أوقاتك ؟

في البيت واطلع ساعه ساعه ونصف للإستراحه وأرجع لمأواي << متأثر بافلام كرتون


س2 : أمنية تتمنى تحقيقها ؟

الزواج عقبالي مثلك والف مبروك يالغالي منك المال ومنها العيال

س3 : ماهو تخصصك ؟

والله قلته سابقا لكن عشانك نعيده ( لغات وترجمه )

س4 : هل هناك موعد محدد للنوم ؟

أبد متى ماجاني النوم قربت المخده وركدت الساعه والله يعين بس متى تجي اللي تنظمنا:D

س5 : ماهي الدوله التي تتمنى زيارتها ؟

بريطانيا بحكم التخصص بس مع بنت الحلال علشان مانروح في خرايطها الله يستر:D



س6 : أفضل قناة فضائية تتابعها ؟

غالبا العربيه

مساحه حرة لك ..

لاتحفى يازولا تراني والله كرهة المساحات عقب سالفة ممدوح وإعلاناته خلنا في الدعوه اللي بعدها:D

بارك الله فيك ..

اللهم آمين وياك يالغالي والله أئلتك عسل مثل راعيها :al106:

[جـمـــــــر]

اقوووووووووووووووول وش عندك يانصراويه كنك غايره ولد عمي ويغليني :al84:

[فيصل 99]

^^
هههههههههههههههههههه ههههه الظاهر ان العالمي نت كله عيال عم هع انا ووليد وعزووز وجموور << اي يالدلع

جمر هلا ومسهلا وراك داخل(ن) علينا لا احم ولادستوور << يعني ماحطيت موضوع للترحيب عشان نرحب بس هع

اجل سيارته ... هع

[This Is ME]

:سلالالالالام
وعليكم السلام أختي نصراويه

عموما خلنا نعطيك الجزء الثاني والاخير من الاسئله
قبل تنتهي المده

حياك تفضلي أنا هنا علشان أسئلتكم من إخوان واخوات

سمي

سؤال اعتيادي استغربت محد سئلك اياه !!
_كم عمرك؟>> اتوقع 24 صح ولا خطأ

صح
_وش علاقتك بالعضو جمر؟؟

ذكرت سابقا إنه ولد عمي واغلى وأقربهم لقلبي الله لايفرقنا يارب :)

_ليش ماعاد نشوف العضو (جندي مجهول)!!

من بعد حكايتي مع الفجر البعيد وكلامه عنه خفت يخنبق ويفشلني

وأخذ المعرف اخوي إللي أكبر منه

وأنا قرأت له كم رد بعد مباراتنا مع الشباب

_ بما ان تخصصك لغات وترجمه
يعني يمديك تصير مترجم .. او سكرتير او حتى مذيع!!
وش الله حادك على بزران المدارس!! >> وانتي وش دخلتس

لو كان الامر بيدي كان تعينت( وزير) مو بس مترجم .. او سكرتير او حتى مذيع!!

وأنا قدمت أوراقي والر** عند الله وأنا من النوع إللي مااحب اجلس عاطل

>> بيني وبينك ياليتك تتعين مدرس محد لاقيها الا المدرسين انواع الاجازات والفله>> حسد
هم يلاقون بعد الإجازه تعب وشقى وغم أضعاف سعة صدرهم في الإجازه والله يسهل امر الجميع:)


((عن الاعضاء))

_ تتوقع ليش رعد الرياض وفيرون النصر مايمرون على هذي المواضيع
ولا يحبونها!!(اقصد موضوع كرسي الاعتراف)

أتمنى نسأل السؤال هذا لرعد إذا جاء على الكرسي او وافق عليه

لأن فيرون راحت علينا:al82:

_ من هو العضو الي (يفهمك) من غير ما(يتعبك)!!

نصراوي 5599 وغموض نجد وأنا كلي نصر وفيرون النصر وزولا35

_ عضو دايم مواضيعه (تفاجئك)!!غموض نجد -وزولا35- ورعد الرياض- ونصراوي 5599-
وسوبر بن باشتورك

_ عضو اسلوبه ( يعجبك)!! الشايب - الفجرالبعيد - فيرون النصر-غموض نجد- سوبر ستار- فيصل 99-

>>نصراويه<<


_ عضو عجزت تفهمه؟

أبو الخل مع إني ماعاد شفته وعشق ممدوح مره عسل ومره بصل:cool:

_عضو ودك تعرف عنه اكثر؟؟

غريب الديره ورعد الرياض والقائد رائد وسوبر ستار

_عضو متفرد بشخصيته؟

الشايب والفجر البعيد و فيرون النصر وزولا 35 غموض نجد وأنا كلي نصر

_ عضو تتحمس مع مواضيعه؟!
الجميع في المنتدى العام والجماهير أهتم لمواضيع الشايب الع الميه والفجرالبعيد والقادم بقوه

وحازم النصر وسليمان والهبوب النجدي وفارس الكلمه

_ عضو ترتاح اذا شفت معرفه؟!

الفجر البعيد ومداد10 وجميع اعضاء المنتدى العام وتطقني الغلقه ويضيق صدري إذا غاب أحد منهم:(

///////////////////////////////////////
بندخلك جوووو ثاني مع هالاريكه
ياااااااااغموض نجد جيبي القهوووووه
يالله هذي ابيات شعريه تهديها لمن(اشخاص داخل او خارج المنتدى بكيفك)؟؟

بارك الله فيكما انتماالإثنتان فرأسي صاكني:o

أها هاتوا الأبيات

1_ إن خانتـك دنيـاك .. أو خنـت دنيـاك && إرجــع و تلقـابـي .. مكـانـك.. مـكـانـك

لكل حبابي

2_اصعب الاشياء واكثرها سهوله ...اغمض الاشياء واكثرها وضوح

الدنيا

3_فكرت بالدنيا بلياك وشلون... وفي ساعه التفكير هلت دموعي

الوالدين الله ير**نا برهم

4_ بقيت الاشياء ولكن روحها راحت معاك ... كنت فيني وفيها ساكن كم تغيرنا بلاك
>> احس هالبيت يصلح لماجد عبدالله

خالي الله يغفر له ويرحمه

5_عسى الله لا يبين لك غلاك وقدرك الخافي
أنا لو جيت بوصف مكانك عندي وحاولت
بقدم لك سكوتي
ماااا أحس إن الحكي كااافي

أختي الله يحفظها

6_أغـرب إنســانٍ عـرفـتـهـ .. حـرت فـي أمـرهـ بـ شـدهـ
أقـصـى مـا عـنـدي أقـولهـ .. أنهـ فـي إحـسـاسـهـ ( مـزاجــي)

ذاتي وروحي إللي بين ضلوعي

7_تعــال يالله ..
نـوّر الصبـح " للنـاس " ..
شكـل ][ الصبـاح ][ ..
ابـدون " نـورك "
تـرى (( ليـــل )) .. !

(مداد 10) و(الفجر البعيد)


8_ما عاد تفرق لو تجي صدمتي فيــــــك ..
صدمات عمري زودتني مناعـــه
متساويه عندي واذا قلت ما اخفيـــــــك ..
(كل شي احبه اتوقع ضياعــــــــه) )))!!

أي واحد إنخدعت فيه وخان نفسه قبل غيره
//////////////////////////////////////////////

اخر شي قول لنا ثلاث نكت ؟؟

والله أضحك عليها بس أنساها بسرعه

وودي ازيد بس رحمتك خلاص بنوقف ونبقي اسئله للي بع